മനാമ: നോര്‍ക്കയുടെ അംഗീകാരത്തോടെ പ്രവര്‍ത്തിക്കുന്ന പ്രവാസി ഗൈഡന്‍സിന്റെ ആഭിമുഖ്യത്തില്‍ രണ്ട് ദിവസത്തെ കാര്‍ണിവല്‍ 16, 17 തീയതികളില്‍ നടക്കും. വൈകീട്ട് 7:30 മുതല്‍ 9:30 വരെ മാഹൂസ് ഗ്ലോബല്‍ ഇന്‍സ്റ്റിറ്റ്യൂട്ടിലാണ് പരിപാടി നടക്കുക. പ്രവാസം അവസാനിച്ചാല്‍ എന്ത് ചെയ്യുമെന്നുള്ള ഭൂരിപക്ഷം പ്രവാസികളുടെയും ആശങ്കയെ ആസ്പദമാക്കി സംഘടിപ്പിക്കുന്ന കാര്‍ണിവലില്‍ കേരളത്തില്‍ നിന്നുള്ള മാനേജ്‌മെന്റ് വിദഗ്ദ്ധരായ പി.ആര്‍ ദിലീപ്, മുകേഷ് ദേവ് എന്നിവര്‍ ക്ലാസെടുക്കും. ഇംപെറ്റസ് വെല്‍ത്ത് മാനേജ്‌മെന്റ് സ്ഥാപകനും ഇന്ത്യന്‍ ക്യാപിറ്റല്‍ മാര്‍ക്കറ്റില്‍ ദീര്‍ഘനാളത്തെ പരിജ്ഞാനവുമുള്ളയാളാണ് ദിലീപ്, എജ്യുക്കേഷണല്‍ കണ്‍സള്‍ട്ടന്റും കരിയര്‍ പരിശീലകനുമാണ് മുകേഷ് ദേവ് പ്രവാസികളായ ബിസിനസ് സംരംഭകര്‍ക്കും നാട്ടിലേയ്ക്ക് മടങ്ങാന്‍ ആഗ്രഹിക്കുന്ന പ്രവാസികള്‍ക്കും അവരുടെ ബിസിനസ് സംരംഭം കൂടുതല്‍ പരിപോഷിപ്പിക്കുന്നതിനും മറ്റുമുള്ള മാര്‍ഗ്ഗനിര്‍ദ്ദേശങ്ങള്‍ ഈ പരിശീലന പരിപാടിയിലൂടെ ലഭ്യമാവുമെന്നാണ് സംഘാടകരുടെ പ്രതീക്ഷ. വിവരങ്ങള്‍ക്കും രജിസ്‌ട്രേഷനും 38494889 (ഷീബാ മനോജ്), 39118175 (അമൃതാ രവി) എന്നിവരെ വൈകീട്ട് 3 നും10 നും ഇടയില്‍ ബന്ധപ്പെടാവുന്നതാണ്.