തളിപ്പറമ്പ്: ബാങ്കില്‍ നിന്ന് ലഭിച്ച 2,000 രൂപ നോട്ടുകള്‍ പൊടിയുന്നു. തളിപ്പറമ്പ് കപ്പാലത്തെ പി.സി ഷരീഫക്കാണ് പൊടിഞ്ഞുപോകുന്ന നോട്ടുകള്‍ ലഭിച്ചത്. ഫെഡറല്‍ ബാങ്ക് തളിപ്പറമ്പ് ശാഖയില്‍ നിന്ന് പിന്‍വലിച്ച അഞ്ച് നോട്ടുകളാണ് പൊടിയുന്നത്. നേരത്തേ ചെലവായ മൂന്ന് നോട്ടുകള്‍ മാറ്റിനല്‍കണമെന്നാവശ്യപ്പെട്ട് കച്ചവടക്കാര്‍ ഇവരെ സമീപിച്ചിരിക്കുകയാണ്.
പൊടിയുന്ന നോട്ടുകള്‍ തങ്ങള്‍ നല്‍കിയതല്ലെന്നാണ് ബാങ്ക് അധികൃതര്‍ പറയുന്നത്. 10,000 രൂപ ഇവര്‍ ബാങ്കില്‍ നിന്ന് പിന്‍വലിച്ചിരുന്നു. സംഭവത്തില്‍ ദുരൂഹതയുണ്ടെന്നും ബാങ്ക് അധികൃതര്‍ പറഞ്ഞു.