തിരൂരങ്ങാടി: ദേശീയപാത തലപ്പാറയില്‍ ചരക്ക് ലോറി മറിഞ്ഞ് ഡ്രൈവര്‍ക്ക് പരുക്ക്. പൂനെ സ്വദേശി ദില്‍ഖര്‍ (45)നെയാണ് പരുക്കുകളോടെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചത്. വ്യാഴാഴ്ച പുലര്‍ച്ചെ ഒരുമണിക്കാണ് അപകടം. കൊച്ചിയില്‍നിന്നും പൂണെയിലേക്ക് റബ്ബര്‍ ഷീറ്റുകളുമായി പോകുമ്പോള്‍ നിയന്ത്രണം വിട്ട് റോഡില്‍ മറിയുകയായിരുന്നു

നോട്ടു പിന്‍വലിക്കല്‍: ചര്‍ച്ച സംഘടിപ്പിച്ചു

വളാഞ്ചേരി: വളാഞ്ചേരി എം.ഇ.എസ് കെ.വി.എം കോളജിലെ കൊമേഴ്‌സ് വിഭാഗം നോട്ടു പിന്‍വലിക്കലുമായി ബന്ധപ്പെട്ടു സംഘടിപ്പിച്ച ചര്‍ച്ച എം.ഇ.എസ് സംസ്ഥാന പ്രസിഡന്റ് ഡോ.പി.എ.ഫസല്‍ ഗഫൂര്‍ ഉദ്ഘാടനം ചെയ്തു. പ്രമുഖ സാമ്പത്തിക വിദഗ്ധന്‍ അനില്‍ വര്‍മ, കുസാറ്റ് സാമ്പത്തിക വിഭാഗം മേധാവി ഡോ.എസ്.ഹരികുമാര്‍, മുന്‍മന്ത്രി കെ.കുട്ടി അഹമ്മദ്കുട്ടി, ഡോ.ബാബു എബ്രഹാം, ഡോ.പി മുഹമ്മദലി, എന്‍.അബ്ദുല്‍ ജബ്ബാര്‍, പ്രൊഫ.കെ.പി.ഹസ്സന്‍, പ്രൊഫ.മൊയ്തീന്‍കുട്ടി പാറയില്‍, ഡോ.സി.രാജേഷ്, എസ്.ദിനില്‍, കെ.പി.നാജില്‍, പ്രൊഫ.സി.കെ.ഹസ്സന്‍, പി.സി.സന്തോഷ് ബാബു സംസാരിച്ചു