അങ്കമാലി: അങ്കമാലിയില്‍ നടക്കുന്ന സീനിയര്‍ സംസ്ഥാന വോളിബോള്‍ ചാംപ്യന്‍ഷിപ്പില്‍ വനിത വിഭാഗ മത്സരത്തില്‍ എറണാകുളവും കൊല്ലവും സെമിയില്‍ പ്രവേശിച്ചു.
ഇന്നലെ അങ്കമാലി കിങ്ങണി ഗ്രൗണ്ടില്‍ നടന്ന ആദ്യ ക്വാര്‍ട്ടര്‍ മത്സരത്തില്‍ എറണാകുളം കോഴിക്കോടിനെയും കൊല്ലം വയനാടിനെയും തോല്‍പ്പിച്ചാണ് സെമിയില്‍ പ്രവേശിച്ചത്.
25 17, 2517, 2225, 2125. 915 എന്നിങ്ങനെയാണ് സ്‌ക്കോര്‍ ആദ്യ രണ്ട് സെറ്റുകള്‍ കോഴിക്കോട് കരസ്ഥമാക്കിയെങ്കിലും പിന്നീടുള്ള മൂന്ന് സെറ്റുകളില്‍ എറണാകുളം കരസ്ഥമാക്കിയാണ് സെമിയില്‍ പ്രവേശിച്ചത്.
രണ്ടാമത്തെ വനിത ക്വാര്‍ട്ടര്‍ മത്സരത്തില്‍ നേരിട്ടുള്ള മൂന്ന് സെറ്റുകള്‍ കരസ്ഥമാക്കിയാണ് കൊല്ലം വയനാടിനെ പരാജയപ്പെടുത്തിയത്.
2522, 2518, 2511 എന്നിങ്ങനെയാണ് സ്‌കോര്‍. ഇന്ന് നടക്കുന്ന ക്വാര്‍ട്ടര്‍ ഫൈനല്‍ മത്സരങ്ങളില്‍ വനിതാ വിഭാഗത്തില്‍ തൃശൂര്‍ കോട്ടയത്തെയും, തിരുവനന്തപുരം, കണ്ണൂരിനെയും നേരിടും.
പുരുഷ വിഭാഗത്തില്‍ മലപ്പുറം പാലക്കാടിനെയും തിരുവനന്തപുരം ഇടുക്കിയെയും നേരിടും .