ആലപ്പുഴ: വിനയം കൈമുതലാക്കിയ നിഷ്‌കളങ്ക വ്യക്തിത്വമായിരുന്നു എ.പി മുഹമ്മദ് മുസ്്‌ലിയാരെന്ന് സമസ്ത ജില്ലാ പ്രസിഡന്റ് സി.മുഹമ്മദ് അല്‍ ഖാസിമി.
എസ്.കെ.എസ്.എസ്.എഫ് ആലപ്പുഴ മേഖലാ കമ്മിറ്റി സംഘടിപ്പിച്ച കുമരംപുത്തൂര്‍ എ.പി മുഹമ്മദ് മുസ്ലിയാര്‍ അനുസ്മരണ സംഗമത്തില്‍ പ്രഭാഷണം നടത്തുകയായിരുന്നു അദ്ദേഹം. വിജ്ഞാന മേഖലയെ വളരെയധികം സ്‌നേഹിച്ച മുഹമ്മദ് മുസ്്‌ലിയാര്‍ തന്റെ ശിഷ്യരും അങ്ങനെ ആയിത്തീരണമെന്ന് ആഗ്രഹിച്ചുവെന്നും അദ്ദേഹം കൂട്ടിച്ചേര്‍ത്തു. അബ്ദുസ്സമദ് മുസ്ലിയാര്‍, പി.എ ശിഹാബുദ്ദീന്‍ മുസ്ലിയാര്‍, അബ്ദുസ്സത്താര്‍ ബാഖവി, സിറാജുദ്ദീന്‍ അശ്‌റഫി, ഇ.എന്‍.എസ് നവാസ്, എ.എം.എം ശാഫി റഹ്മത്തുല്ലാഹ്, എം.ബാബു വലിയമരം, സൈനുദ്ദീന്‍ വലിയകുളം, ഐ.മുഹമ്മദ് മുബാശ്, ഹക്കീം രാജ എന്നിവര്‍ സംസാരിച്ചു.