കോഴിക്കോട്: അത്തോളി പഞ്ചായത്തിലെ തോരായിയില്‍ ഭര്‍ത്താവ് ഭാര്യയെ വെട്ടിക്കൊലപ്പെടുത്തി. തോരായി പുതിയോട്ടില്‍ വീട്ടില്‍ ഹുസൈനാണ് ഭാര്യ ആസ്യയെ(50) കൊലപ്പെടുത്തിയത്.

പുലര്‍ച്ചെ രണ്ട് മണിയോടെയായിരുന്നു കൊലപാതകം നടന്നത്. കഴിഞ്ഞ കുറച്ച് ദിവസങ്ങളിലായി ഇവര്‍ തമ്മില്‍ വഴക്കുണ്ടാവുന്നത് പതിവായിരുന്നെന്നും ഇതായിരിക്കാം കൊലപാതകത്തിലേക്ക് വഴിവെച്ചതെന്നാണ് പ്രാഥമിക നിഗമനം. കൊലപാതകത്തിന് ശേഷം ഹുസൈന്‍ മകന്റെ വീട്ടിലെത്തി കൊലപാതക വിവരം അറിയിക്കുകയും പൊലിസില്‍ കീഴടങ്ങുകയുമായിരുന്നു.

അത്തോളി എസ്.ഐ കെ.രവീന്ദ്രന്‍, ഡി.വൈ.എസ്.പി എന്നിവര്‍ ഇന്‍ക്വസ്റ്റ് നടത്തി. പ്രതി പൊലിസ് കസ്റ്റഡിയിലാണ്.