കൊടുങ്ങല്ലൂര്‍: മുപ്പത്തിയാറാമത് ദേശീയ സബ്ബ് ജൂനിയര്‍ ബോള്‍ ബാഡ്മിന്റണ്‍ ചാംപ്യന്‍ഷിപ്പ് ഡിസംബര്‍ 23 മുതല്‍ 27 വരെ കൊടുങ്ങല്ലൂരില്‍ നടക്കും. 27 സംസ്ഥാനങ്ങളില്‍ നിന്നുമായി കായിക താരങ്ങളും, ഒഫീഷ്യലുകളുമുള്‍പ്പെടെ ആയിരത്തോളം പേര്‍ ചാംപ്യന്‍ഷിപ്പിനായി എത്തുമെന്നും, അഞ്ച് ദിവസങ്ങളിലായി നടക്കുന്ന ചാംപ്യന്‍ഷിപ്പില്‍ എട്ട് വേദികളിലായി 110 മത്സരങ്ങള്‍ നടക്കുമെന്നും സംഘാടകരായ നഗരസഭാ ചെയര്‍മാന്‍ സി.സി വിപിന്‍ ചന്ദ്രന്‍, ജനറല്‍ കണ്‍വീനര്‍ കിഷോര്‍ബാബു, ജി. ഹരികുമാര്‍, ഇ.എ. നവാസ് എന്നിവര്‍ പത്രസമ്മേളനത്തില്‍ അറിയിച്ചു. 22 ന് വൈകീട്ട് നാലിന് മത്സരവേദിയായ ശൃംഗപുരം ഗവ. ഹയര്‍ സെക്കന്‍ഡറി സ്‌കൂള്‍ ഗ്രൗണ്ടില്‍ ചാംപ്യന്‍ഷിപ്പിന് പതാക ഉയരുമെന്നും, 23 ന് വൈകീട്ട് സാംസ്‌കാരിക ഘോഷയാത്രയും, തുടര്‍ന്ന് ചാംപ്യന്‍ഷിപ്പ് ഉദ്ഘാടനവും നടക്കുമെന്നും സംഘാടകര്‍ അറിയിച്ചു.