മണ്ണാര്‍ക്കാട്: കോട്ടോപ്പാടം ഗ്രാമപഞ്ചായത്തിലെ ഉപതിരഞ്ഞെടുപ്പ് നടക്കുന്ന അമ്പാഴക്കോട് വാര്‍ഡില്‍ മൂന്ന് സ്ഥാനാര്‍ഥികള്‍ മത്സരിക്കും. ഇന്നലെ നോമിനേഷന്‍ പിന്‍വലിക്കാനുളള തിയ്യതി അവസാനിച്ചിരിക്കെ മൂന്ന് പേരാണ് മത്സര രംഗത്തുളളത്. യു.ഡി.എഫ് സ്ഥാനാര്‍ഥിയായി ഗഫൂര്‍ കോല്‍ക്കളത്തിലും, എല്‍.ഡി.എഫ് സ്വതന്ത്ര സ്ഥാനാര്‍ഥിയായി ആഷിഫ് പറമ്പത്ത്, ബി.ജെ.പി സ്ഥാനാര്‍ഥിയായി സൂര്യാനന്ദനുമാണ് മത്സരിക്കുന്നത്.
നിലവില്‍ എല്‍.ഡി.എഫ് അംഗം യൂസഫ് പറമ്പത്ത് നിര്യാതനായതിനെ തുടര്‍ന്നാണ് ഉപതിരഞ്ഞെടുപ്പ് വേണ്ടി വന്നത്. യു.ഡി.എഫിന് വേണ്ടി അന്ന് മത്സരിച്ച ഗഫൂര്‍ കോല്‍ക്കളത്തില്‍ തന്നെയാണ് വീണ്ടും യു.ഡി.എഫ് സ്ഥാനാര്‍ഥി.
എന്നാല്‍ ഇടതുപക്ഷത്തിനുവേണ്ടി നിര്യാതനായ യൂസഫ് പറമ്പിത്തിന്റെ മകനായ ആഷിഫ് പറമ്പത്തിനെ രംഗത്തിറക്കി വാര്‍ഡ് നിലനിര്‍ത്താനൊരുങ്ങുകയാണ് എല്‍.ഡി.എഫ്.