ആലുവ: ജില്ല ആശുപത്രിയിലെ എല്ലാ എയര്‍ കണ്ടീഷനുകള്‍ക്കും സൗജന്യ സര്‍വ്വീസ് ക്യാമ്പ് നടത്തി തൊഴിലാളികള്‍ മാതൃകയായി. എ.സി സര്‍വ്വീസ് മേഖലയില്‍ ജോലി ചെയുന്നവരുടെ സംഘടനയായ എച്ച്.വി.എസി.ആര്‍ .എംപ്ലോയീസ് അസോസിയേഷന്‍ ജില്ല കമ്മിറ്റിയുടെ നേതൃത്വത്തിലാണു സര്‍വ്വീസ് ക്യാമ്പ് നടത്തിയത്. ആശുപത്രിയിലെ എഴുപതോളം വരുന്ന എയര്‍ കണ്ടീഷനുകളാണു അസോസിയേഷന്‍ പ്രവര്‍ത്തകര്‍ ആറു ഗൂപ്പുകളായി തിരിഞ്ഞ് സര്‍വ്വീസ് നടത്തിയത്. അസോസിയേഷന്‍ ജില്ല പ്രസിഡന്റ് എന്‍.ദേവരാജന്‍ അദ്ധ്യക്ഷത വഹിച്ച ചടങ്ങില്‍ അന്‍വര്‍ സാദത്ത് എം.എല്‍.എ ഉദ്ഘാടനം ചെയ്തു. സാജന്‍ ചക്കിയത്ത്, നസീര്‍ ചൂര്‍ണ്ണിക്കര , വി.ജി .സുനില്‍ കുമാര്‍,ടി.ആര്‍.ഷിബു, റഫീക്ക്.പി.കെ,വി.എ.സാജുമോന്‍,എം.ജെ.ജോണ്‍സണ്‍,പി.എ.അബ്ദുള്‍ സലാം എന്നിവര്‍ സംസാരിച്ചു.