കൊച്ചി: മുംബൈയില്‍ നടന്ന ആനുവല്‍ ഗ്ലോബല്‍ മാര്‍ക്കറ്റിങ് എക്‌സലന്‍സ് അവാര്‍ഡ്‌സില്‍ ലുലുമാളിന് ഇരട്ട നേട്ടം. മികച്ച ലോയല്‍റ്റി പ്രോഗ്രാം, മികച്ച ഇന്‍- ഹൗസ് മാഗസിന്‍ എന്നീ വിഭാഗങ്ങളിലാണ് ലുലുമാള്‍ അവാര്‍ഡുകള്‍ കരസ്ഥമാക്കിയത്.
ഒരുവര്‍ഷം മുന്‍പ് അവതരിപ്പിച്ച ലോയല്‍റ്റി പ്രോഗ്രാം ചുരുങ്ങിയ സമയത്തിനുള്ളില്‍ത്തന്നെ സമ്മാനങ്ങളുടെ മികവ്‌കൊണ്ട് ഉപഭോക്താക്കളുടെ പ്രശംസ സ്വന്തമാക്കിയിരുന്നു. മൊബൈല്‍ ആപ്പ് വഴി സംഘടിപ്പിച്ച ലോയല്‍റ്റി പ്രോഗ്രാം സാങ്കേതിക പുതുമ കൊണ്ടും ഉപഭോക്താക്കള്‍ പങ്കെടുക്കാന്‍ പ്രകടമാക്കിയ താല്‍പര്യം മൂലവും മത്സരത്തില്‍ തികച്ചും വേറിട്ട് നില്‍ക്കുകയുണ്ടായി. മറ്റു മാള്‍ മാഗസിനുകളില്‍ നിന്നും വ്യത്യസ്തമായി ലുലുമാള്‍ അവതരിപ്പിച്ചുവരുന്ന ത്രൈമാസ മാഗസിന്‍ ലുലു ഹാപ്പിനസ് ഉള്‍ക്കൊള്ളുന്നത് രാജ്യത്തെ തന്നെ ഉന്നത സെലിബ്രിറ്റികളുടെ സവിശേഷ അഭിമുഖങ്ങളും ഏറ്റവും പുതിയ ഫാഷനുകളെക്കുറിച്ചും റീട്ടെയില്‍ രംഗത്തെ മാറങ്ങളെക്കുറിച്ചുമുള്ള റിപ്പോര്‍ട്ടുകളുമാണ്.
ലുലുമാള്‍ ബിസിനസ് ഹെഡ് ഷിബു ഫിലിപ്പ്, ഡോ. അരുണ്‍ അറോറ (ചെയര്‍മാന്‍, അഡ്വാന്‍സ് ഗ്രൂപ്പ്), നന്ദകിഷോര്‍ ബാദമി (ചീഫ് മാര്‍ക്കറ്റിങ് ഓഫിസര്‍, സിസ്‌കോ സിസ്റ്റംസ്) എന്നിവരില്‍ നിന്നും അവാര്‍ഡുകള്‍ സ്വീകരിച്ചു.