പാലക്കാട്: പാചകവാതക അപകടങ്ങളുമായി ബന്ധപ്പെട്ട സുരക്ഷാ പ്രതിരോധത്തിന്റെ ഭാഗമായി ജനുവരി ആറിന് ജില്ലയില്‍ സംഘടിപ്പിക്കുന്ന മോക്ക് ഡ്രില്ലില്‍ പങ്കെടുക്കുന്ന അംഗങ്ങള്‍ക്കുള്ള പരിശീലനം ഡിസംബര്‍ 20, 21, 22 തീയതികളില്‍ കഞ്ചിക്കോട് എച്ച്.പി.സി.എല്‍ നടത്തും.
20ന് രാവിലെ 9.30ന് ജില്ലാ കലക്ടര്‍ പി. മേരിക്കുട്ടി ഉദ്ഘാടനം ചെയ്യും. 20ന് മെഡിക്കല്‍ ടീമംഗങ്ങള്‍ക്കും 21ന് ബി.എസ്.എന്‍.എല്‍, റെയില്‍വെ, സപ്ലൈകോ, ആര്‍.ടി.ഒ, കെ.എസ്.ഇ.ബി, പി.ഡബ്ലു.ഡി, എന്‍.എച്ച് ഡിവിഷന്‍ പ്രതിനിധികള്‍ക്കും 22ന് പൊലിസ്-ഫയര്‍ ആന്‍ഡ് റെസ്‌ക്യൂ സര്‍വീസസിനുമാണ് പരിശീലനം. രാവിലെ 9.30 മുതല്‍ വൈകിട്ട് നാലു വരെ നടക്കുന്ന പരിശീലനത്തില്‍ ബന്ധപ്പെട്ടവര്‍ കൃത്യ സമയത്ത് പങ്കെടുക്കണമെന്ന് ജില്ലാ കലക്ടര്‍ അറിയിച്ചു.