മണ്ണാര്‍ക്കാട്: കര്‍ക്കിടാംക്കുന്ന് ഐ.സി.എസ്.യു.പി സ്‌ക്കൂളില്‍ ഒരുമാസകാലത്തിലേറെയായി കനിവ് കര്‍ക്കിടാംക്കുന്നും, എടപ്പറ്റ പാലീയേറ്റീവ് ക്ലിനിക്കും ചേര്‍ന്ന് സംഘടിപ്പിച്ച സഫാ ജ്വല്ലറി അഖിലേന്ത്യ സെവന്‍സ് ഫുട്ബാള്‍ ടൂര്‍ണ്ണമെന്റില്‍ അല്‍ മദീന ചെര്‍പ്പുള്ളശ്ശേരി ചാമ്പ്യന്‍മാരായി. സൂപ്പര്‍ സ്റ്റുഡിയോ മലപ്പുറം റണ്ണേഴപ്പായി. പെനാല്‍റ്റി ഷൂട്ടൗട്ടിലൂടെയാണ് ജേതാക്കളെ തെരഞ്ഞെടുത്തത്. അഡ്വ.എന്‍.ഷംസുദ്ദീന്‍ എം.എല്‍.എ ഫൈനല്‍ മത്സരം ഉദ്ഘാടനം ചെയ്തു. സമാപനം യു.പി പുരുശോത്തമന്‍ ഉദ്ഘാടനം ചെയ്തു. എസ്.പി വഹീദ് പുക്കൂത്ത് അധ്യക്ഷനായി. മെഡല്‍ വിതരണം സഫാ ഗ്രൂപ്പ് എം.ഡി അബ്ദുല്‍സലാം നിര്‍വഹിച്ചു. മികച്ച സ്റ്റോപ്പറായി ഷമീര്‍, മികച്ച കളികാരന്‍ ഡി. മരിയ എന്നിവരെ തെരഞ്ഞെടുത്തു.ഫെയര്‍ പ്ലേ ടിമിനുള്ള അവാര്‍ഡ് ബ്ലാക്ക് ആന്റ് വൈറ്റ് കോഴിക്കോട് കരസ്ഥമാക്കി. റണ്ണേഴ്‌സ് പ്രൈസ് മണി അലനല്ലൂര്‍ സ്മാര്‍ട്ട് ഹാര്‍ഡ്‌വെയര്‍ എം.ഡി കെ.സി ഷറഫുദ്ദീനും, റണ്ണേഴ്‌സ് ട്രോഫി റംസാന്‍ ഹാര്‍ഡ് വെയര്‍ എം.ഡി പി.കെ അസ്‌ലം മാസ്റ്ററും നല്‍കി. ചാംപ്യന്‍മാര്‍ക്കുള്ള ട്രോഫി കെ.വി.ആര്‍ ഗ്രൂപ്പ് ജനറല്‍ മാനേജര്‍ ബിജിത്ത് നെല്‍സണ്‍ വിതരണം ചെയ്തു. കെ. അശ്‌റഫ്, പി.കെ അബ്ദുല്‍ നാസര്‍, പി.പി.കെ അബ്ദുറഹിമാന്‍, പി.കെ ഗഫൂര്‍ സംസാരിച്ചു.