തിരുവനന്തപുരം: കെ.എസ്.ആര്‍.ടി.സി ജീവനക്കാര്‍ക്കുള്ള പെന്‍ഷന്‍ ഉടന്‍ നല്‍കുമെന്ന് ഗതാഗത വകുപ്പ് മന്ത്രി എ.കെ ശശീന്ദ്രന്‍ പറഞ്ഞു. മുടങ്ങിയ ശമ്പളം രണ്ട് ദിവസത്തിനകം നല്‍കുമെന്നും സര്‍വിസ് മുടങ്ങുന്ന തരത്തിലുള്ള സമരത്തില്‍ നിന്ന് ജീവനക്കാര്‍ പിന്മാറണമെന്നും അദ്ദേഹം പറഞ്ഞു. കടം വാങ്ങി ശമ്പളവും പെന്‍ഷനും നല്‍കുന്ന സമ്പ്രദായം ഒഴിവാക്കുമെന്നും അദ്ദേഹം പറഞ്ഞു.

സാമ്പത്തിക പ്രതിസന്ധി കാരണം കെ.എസ്.ആര്‍.ടി.സി ജീവനക്കാര്‍ക്ക് കഴിഞ്ഞ മാസത്തെ ശമ്പളവും പെന്‍ഷനും നല്‍കിയിരുന്നില്ല. ഇതിനെതിരേ ജീവനക്കാര്‍ സമരം നടത്തുകയും ചെയ്തിരുന്നു.