ഇസ്താംബൂള്‍: യു.എസ് എംബസിക്ക് പുറത്ത് വെടിയുതിര്‍ത്തയാളെ പൊലിസ് അറസ്റ്റ് ചെയ്തു. ഇന്നലെ പുലര്‍ച്ചെ 3.55നാണ് എംബസിയിലേക്കുള്ള പ്രവേശന കവാടത്തിന് സമീപത്ത് എസ് ഷാഹിന്‍ എന്നയാള്‍ വെടിയുതിര്‍ത്തത്. വെടിവയ്പ്പില്‍ ആര്‍ക്കും പരുക്കേറ്റിട്ടില്ലെന്ന് തുര്‍ക്കി മാധ്യമങ്ങള്‍ റിപ്പോര്‍ട്ട് ചെയ്തു.
റഷ്യന്‍ സ്ഥാനപതിയെ അക്രമി വെടിവച്ചു കൊന്ന നടുക്കം മാറും മുന്‍പേയായിരുന്നു വീണ്ടും തലസ്ഥാനത്ത് വെടിവയ്പ്പ്. സംഭവത്തിന്റെ പശ്ചാത്തലത്തില്‍ എംബസിയുടെ പ്രവര്‍ത്തനങ്ങള്‍ അമേരിക്ക നിര്‍ത്തിവച്ചു. കോട്ടിനടിയില്‍ ഒളിപ്പിച്ച നിലയിലായിരുന്നു ഇയാള്‍ തോക്കുമായി എംബസിയിലെത്തിയത്. പ്രതി ഒമ്പത് റൗണ്ട് വെടിയുതിര്‍ത്തതായാണ് വിവരം.