കാഞ്ഞങ്ങാട്: മുട്ടുന്തല മഖാം ഉറൂസ് കാഞ്ഞങ്ങാട് സംയുക്ത മുസ്‌ലിം ജമാത്ത് ഖാസിയും സമസ്ത ട്രഷററുമായ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്തു. മനസ്സും ശരീരവും വിശുദ്ധമാക്കി സര്‍വവും സൃഷ്ടാവിനു സമര്‍പ്പിച്ച സാത്വികരായ ഔലിയാക്കളെ മാതൃകയാക്കേണ്ടതു വിശ്വാസികളുടെ ബാധ്യതയാണെന്ന് അദ്ദേഹം പറഞ്ഞു.
ചികിത്സയില്‍ കഴിയുന്ന കേരളാ ഹജ്ജ് കമ്മിറ്റി ചെയര്‍മാനും സമസ്ത സെക്രട്ടറിയുമായ കോട്ടുമല ബാപ്പു മുസ്‌ലിയാരുടെ രോഗശമനത്തിനു വേണ്ടി തങ്ങള്‍ പ്രത്യേക പ്രാര്‍ഥന നടത്തി. മുസ്തഫ ഹുദവി ആക്കോട് മുഖ്യപ്രഭാഷണം നടത്തി. സണ്‍ലൈറ്റ് അബ്ദുള്‍ റഹ്മാന്‍ഹാജി (ജമാഅത്ത് പ്രസിഡന്റ്) അധ്യക്ഷനായി.
മുട്ടുന്തല ജുമാമസ്ജിദ് ഖത്വീബ് മുഹമ്മദലി അസ്ഹരി മട്ടന്നൂര്‍, അസീസ് അസീസ് ബദ്രി, ശിഹാബ് ബാഖവി, ബഷീര്‍ വെള്ളിക്കോത്ത് സംസാരിച്ചു.