കോഴിക്കോട്: എം.എസ്.എഫ് സംസ്ഥാന കമ്മിറ്റിയുടെ വാര്‍ഷിക പദ്ധതി പ്രഖ്യാപനം വിഷന്‍ 2017 ജനുവരി ഒന്നിന് കോഴിക്കോട്ട് നടക്കും. കാസര്‍കോട് റാണിപുരത്ത് വച്ച് നടന്ന വാര്‍ഷിക എക്‌സിക്യുട്ടീവ് മീറ്റില്‍ രൂപീകരിച്ച ആശയങ്ങള്‍ വാര്‍ഷിക കലണ്ടറായി ചിട്ടപ്പെടുത്തിയതാണ് പദ്ധതികള്‍ തീരുമാനിച്ചത്.  സംസ്ഥാനത്തെ പഞ്ചായത്ത് പ്രസിഡന്റ്, ജനറല്‍ സെക്രട്ടറിമാര്‍, മേല്‍ കമ്മിറ്റി അംഗങ്ങള്‍ സംഗമത്തില്‍ പങ്കെടുക്കും.
   കോഴിക്കോട് സി.എച്ച് ഓഡിറ്റോറിയത്തില്‍ നടന്ന ഭാരവാഹി യോഗത്തില്‍ സംസ്ഥാന പ്രസിഡന്റ് മിസ്ഹബ് കിഴരിയൂര്‍ അധ്യക്ഷനായി . ജനറല്‍ സെക്രട്ടറി എം.പി നവാസ് സ്വാഗതവും ട്രഷറര്‍ യുസുഫ് വല്ലാഞ്ചിറ നന്ദിയും പറഞ്ഞു. ഭാരവാഹികളായ ഷരീഫ് വടക്കയില്‍,ഷബീര്‍ ഷാജഹാന്‍, ഫൈസല്‍ ചെറുകുന്നോന്‍, ഹാഷിം ബംബ്രാണി, നിഷാദ് കെ സലീം, കെ.കെ.എ അസീസ്,സല്‍മാന്‍ ഹനീഫ് എന്നിവര്‍ സംബന്ധിച്ചു.