പട്ടിക്കാട്: യുറീക്ക പെരിന്തല്‍മണ്ണ മേഖല വിജ്ഞാനോത്സവം 26, 27 തിയതികളിലായി തച്ചിങ്ങനാടം ഹയര്‍ സെക്കന്‍ഡറി സ്‌കൂളില്‍ നടക്കും. കേരള സാഹിത്യ പരിഷത്ത് വിദ്യാഭ്യാസ വകുപ്പിന്റെ സഹകരണത്തോടെയാണ് വിജ്ഞാനോത്സവം നടത്തുന്നത്. മേഖലയിലെ വിവിധ പഞ്ചായത്തുകളില്‍ നിന്നായി 100 കുട്ടികള്‍ ദ്വിദിന സഹവാസ ക്യാംപില്‍ പങ്കെടുക്കും.
സൂക്ഷ്മജീവികളുടെ ലോകം എന്ന വിഷയങ്ങളുമായി ബന്ധപ്പെട്ട് നടത്തിയ പഠനപ്രവര്‍ത്തനങ്ങളും മൂല്യനിര്‍ണയവുമാണ് ക്യാംപിന്റെ ഉള്ളടക്കം. 26ന് നടക്കുന്ന ഉദ്ഘാടന ചടങ്ങില്‍ ദേശീയശിശുക്ഷേമ അവാര്‍ഡ് ജേതാവ് കെ.ആര്‍ രവിയെ ആദരിക്കും. ഫോണ്‍: 9446431334, 9526731976.