നീലേശ്വരം: 125 വയസു പൂര്‍ത്തിയായ ബാസ്‌കറ്റ്‌ബോളിനു കേക്കു മുറിച്ചു പിറന്നാളാഘോഷം. ജില്ലാ ബാസ്‌കറ്റ്‌ബോള്‍ അസോസിയേഷനാണു വ്യത്യസ്തമായ ചടങ്ങൊരുക്കിയത്. കാഞ്ഞങ്ങാട് നെഹ്‌റുകോളജ് ബാസ്‌കറ്റ്‌ബോള്‍ മൈതാനിയിലായിരുന്നു ആഘോഷം. കണ്ണൂര്‍ സര്‍വകലാശാല കായിക വിഭാഗം മേധാവി ഡോ.പി.ടി ജോസഫ് കേക്ക് മുറിച്ചു ഉദ്ഘാടനം ചെയ്തു. അസോസിയേഷന്‍ പ്രസിഡന്റ് നവോദയ ചന്ദ്രന്‍ അധ്യക്ഷനായി. നീലേശ്വരം നഗരസഭ കൗണ്‍സലര്‍ എറുവാട്ട് മോഹനന്‍, ഡോ.വി ഗംഗാധരന്‍, ജോസ് സെബാസ്റ്റ്യന്‍, ഡോ.വി ഗംഗാധരന്‍, മഹേഷ് സംബന്ധിച്ചു.