കൂത്തുപറമ്പ്:ഏക സിവില്‍കോഡ് നമ്മുടെ സാംസ്‌കാരിക പൈതൃകം നശിപ്പിക്കുമെന്നും ഇന്ത്യയുടെ ബഹുസ്വരം ഇല്ലാതാക്കപ്പെടുമെന്നും അതിനാല്‍ ഏക സിവില്‍കോഡ് നടപ്പിലാക്കാനുള്ള ശ്രമത്തില്‍ നിന്നു അധികാരികള്‍ പിന്മാറണമെന്ന് എസ്.വൈ.എസ്.സംസ്ഥാന സെക്രട്ടറി അബ്ദു സമദ് പൂക്കോട്ടൂര്‍ ആവശ്യപ്പെട്ടു. കൂത്തുപറമ്പ് സമസ്ത കോഓര്‍ഡിനേഷന്‍ കമ്മിറ്റി കൂത്തുപറമ്പില്‍ സംഘടിപ്പിച്ച ശരീഅത്ത് സംരക്ഷണ റാലിക്ക് ശേഷം ടൗണ്‍ സ്‌ക്വയറില്‍ ചേര്‍ന്ന പൊതുയോഗത്തില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. ജുനൈദ് സഅദി മൗവ്വേരി അധ്യക്ഷനായി. എസ്.വൈ.എസ് ജില്ലാ പ്രസിഡന്റ് അഹമ്മദ് തേര്‍ളായി സമ്മേളനം ഉദ്ഘാടനം ചെയ്തു . ജാബിര്‍ ഹുദവി തൃക്കരിപ്പൂര്‍, അബ്ദുസലാം ദാരിമി കിണവക്കല്‍, കെ.പി ഉസ്മാന്‍ ഹാജി, കെ.വി അബൂട്ടി ഹാജി, നസീര്‍ മൂര്യാട്, വി.കെ മുഹമ്മദ്, സി.പി നൂറുദ്ധീന്‍ മുസ്‌ലിയാര്‍, യു.പി ഇസ്മായില്‍ മുസ്‌ലിയാര്‍, യൂ.വി മൂസ ഹാജി, സഹീര്‍ സംസാരിച്ചു. എ.ടി അലി ഹാജി സ്വാഗതവും റിയാസ് മൂര്യാട് നന്ദിയും പറഞ്ഞു.