ചൈനീസ് ഫോണ്‍ നിര്‍മാതാക്കളായ ഷവോമിയുടെറെഡ്മി നോട്ട് 4 വിപണിയില്‍ അവതരിപ്പിച്ചിട്ട് അധികകാലമായിട്ടില്ല. നിലവില്‍ സില്‍വര്‍, ഗ്രേ, ഗോള്‍ഡ് നിറങ്ങളില്‍ ലഭ്യമായിരുന്ന ഫോണ്‍ പുതിയ രണ്ട് കളര്‍ വേരിയന്റുകള്‍ കൂടി വിപണിയിലിറക്കുകയാണ്. ബ്ലൂ, ബ്ലാക്ക് എന്നീ കളര്‍ വേരിയന്റുകളില്‍ കൂടിയാണ് റെഡ് മീ നോട്ട് 4 പുതിയതായി പുറത്തിറങ്ങുന്നത്.

നിലവില്‍ റെഡ്മീ 4 രണ്ട് വേരിയന്റുകളിലായാണ് എത്തിയിരിക്കുന്നത്. റെഡ് മീ 4, റെഡ് മീ 4 പ്രൈമും. ഇരു ഫോണുകളിലും പുതിയ കര്‍വഡ് ഡിസ്‌പ്ലേയാണ് ഉണ്ടാവുക. ഹൈബ്രിഡ് ഡ്യുവല്‍ സിം സ്ലോട്ട്, ഫിങര്‍ പ്രിന്റ് സെന്‍സര്‍ എന്നിവയാണ് മറ്റു പ്രത്യേകതകള്‍. ആന്‍ഡ്രോയിഡ് 6.0 മാര്‍ഷല്ലോ ഓപ്പറേറ്റിങ് സിസ്റ്റത്തിലാണ് ഇത് പ്രവര്‍ത്തിക്കുന്നത്.

ഒക്ടാകോര്‍ സനാപ്ഡ്രാഗണ്‍ പ്രോസസര്‍ കരുത്തപകരുന്ന ഫോണിന് 5 ഇഞ്ച് ഡിസ്‌പ്ലേയാണ് ഒരുക്കിയിരിക്കുന്നത്. 13 മെഗാപിക്‌സലിന്റെ പിന്‍ കാമറയും 5 മെഗാപിക്‌സലിെന്റ മുന്‍കാമറയുമാണ് മിഴിവേകുന്നത്. 2 ജി.ബി റാം, 16 ജി.ബി മെമ്മറി എന്നിവയുമുണ്ടാകും. 4100mah ബാറ്ററിയുമായാണ് ഫോണെത്തുന്നത്.

റെഡ് മീ 4 പ്രൈം 5 ഇഞ്ച് ഡിസ്‌പ്ലേ, 3 ജി.ബി റാം എന്നിവയോടെയാണ് എത്തുന്നത്.റെഡ് മീ 4എയും മികച്ച ഫീച്ചറുകളുമായി തന്നെയാണ് എത്തിയിരിക്കുന്നത്. 5 ഇഞ്ച് ഡിസ്‌പ്ലേയും 2ജി.ബി റാം 16 ജി.ബി റോം എന്നിവയും. 13 മെഗാപിക്‌സലിന്റെ പിന്‍കാമറയും, 5മെഗാപിക്‌സലിന്റെ മുന്‍കാമറയും ഫോണിനുണ്ടാവും.

ഒരു മികച്ച ബജറ്റ് ഫോണ്‍ എന്ന നിലയില്‍ തന്നയാണ് ഷവോമി അതിന്റെ റെഡ്മീ സീരീസ് പുറത്തിറക്കിയിരിക്കുന്നത്. റെഡ്മീ 4 ന് 6900 രൂപയും റെഡ്മീ 4 പ്രൈമിന് 8900 രൂപയുമാണ് വിലയിട്ടിരിക്കുന്നത്. അതേസമയം റെഡ്മീ 4 എയ്ക്ക് 4900 രൂപയും നല്‍കിയിരിക്കുന്നു.