റോം: ഇറ്റലിയിലെ ബെര്‍ലിനില്‍ ക്രിസ്മസ് ചന്തയിലേക്ക് ട്രക്ക് ഓടിച്ചു കയറ്റി ആക്രമണം നടത്തിയെന്ന് സംശയിക്കുന്ന തുനീസ്യന്‍ പൗരന്‍ വെടിയേറ്റു മരിച്ചു. അനീസ് അമരിയെന്ന് 24 കാരനാണ് കൊല്ലപ്പെട്ടത്. പൊലിസുമായുള്ള ഏറ്റുമുട്ടലിലാണ് ഇയാള്‍ കൊല്ലപ്പെട്ടതെന്ന് രാജ്യാന്തര മാധ്യമങ്ങള്‍ റിപ്പോര്‍ട്ട് ചെയ്തു.

ഇറ്റലിയിലെ മിലന് സമീപം പ്രാദേശിക സമയം പുലര്‍ച്ചെ മൂന്ന് മണിയോടെയാണ് ഇയാള്‍ കൊല്ലപ്പെട്ടതെന്ന് ഇറ്റലി ആഭ്യന്തര മന്ത്രാലയം വിളിച്ചു ചേര്‍ത്ത വാര്‍ത്താസമ്മേളനത്തില്‍ അറിയിച്ചു. ആക്രമണത്തിന് ശേഷം രക്ഷപ്പെട്ട ഇയാള്‍ക്കായി തെരച്ചില്‍ നടത്തിവരികയായിരുന്നു. അമരിയുടെ ചിത്രം പുറത്തുവിടുകയും ഇയാളെക്കുറിച്ച് എന്തെങ്കിലും വിവരം നല്‍കുന്നവര്‍ക്ക് ഒരു ലക്ഷം യൂറോ പാരിതോഷികം പ്രഖ്യാപിക്കുകയും ചെയ്തിരുന്നു.

കഴിഞ്ഞ തിങ്കളാഴ്ച്ചയാണ് ആക്രമണം നടന്നത്. ആക്രമണത്തില്‍ 12 പേര്‍ കൊല്ലപ്പെടുകയും 49 പേര്‍ക്ക് പരുക്കേല്‍ക്കുകയും ചെയ്തിരുന്നു. ആക്രമണത്തിന്റെ ഉത്തരവാദിത്വം ഐ.എസ് ഏറ്റെടുക്കുകയും ചെയ്തിരുന്നു.