റിയാദ്:കഴിഞ്ഞ ദിവസം അവതരിപ്പിച്ച സഊദി ബജറ്റില്‍ പ്രവാസികള്‍ക്ക് കടുത്ത നിരാശ. പ്രവാസ ജീവിതത്തിന് വിരാമമിടാന്‍ സമയമായെന്ന കണക്കു കൂട്ടലിലാണ് പ്രവാസ ലോകം. ബജറ്റില്‍ ഉള്‍പ്പെടുത്തിയ ചില ഫീസുകള്‍ കടുത്ത നിരാശയാണ് സമ്മാനിച്ചത്.
ചെറുകിട സംരംഭങ്ങളും പദ്ധതികളും പാടെ നിലക്കാന്‍ കാരണമാകുന്ന തരത്തിലാണ് ബജറ്റിലെ ഫീസുകള്‍. കുടുംബവുമായി താമസിക്കുന്നവര്‍ക്ക് കടുത്ത സാമ്പത്തിക ബാധ്യതയും ജീവിത ചെലവും കുത്തനെ ഉയര്‍ത്തുന്നതാണ് തീരുമാനം.
നിര്‍ബന്ധിത സഊദിവത്കരണം ലക്ഷ്യമിട്ട് പുതിയ ഫീസും ഏര്‍പ്പെടുത്തിയിട്ടുണ്ട്.  
ഓരോ കുടുംബാംഗത്തിനും ആദ്യഘട്ടത്തില്‍ അടുത്ത വര്‍ഷത്തില്‍ 100 റിയാലും രണ്ടാം വര്‍ഷം 200 റിയാലും മൂന്നാം വര്‍ഷം 300 റിയാലും ഫീസ് ഏര്‍പ്പെടുത്തിയത് കനത്ത തിരിച്ചടിയാണ്.