താമരശേരി: യേശുദേവന്റെ തിരുപ്പിറവിയെ അനുസ്മരിക്കുന്ന ക്രിസ്മസിനെ വരവേല്‍ക്കാന്‍ മലയോര ഗ്രാമങ്ങള്‍ സജ്ജമായി. മേഖലയിലെ  ദേവാലയങ്ങളും ക്രൈസ്തവ ഭവനങ്ങളും നക്ഷത്രശോഭയില്‍ പ്രകാശിതമായി.
പുല്‍ക്കൂടകള്‍ ഒരുക്കി ക്രിസ്മസ് സന്ദേശവുമായെത്തുന്ന കരോള്‍ സംഘത്തെ നാട് വരവേറ്റു തുടങ്ങി. താമരശേരി കത്തീഡ്രല്‍ ദേവാലയത്തില്‍ ക്രിസ്മസ് തിരുകര്‍മങ്ങള്‍ ഇന്നു രാത്രി 12നു ആരംഭിക്കും.
ബിഷപ്പ് മാര്‍ റെമീജിയോസ് ഇഞ്ചനാനിയില്‍ തിരുകര്‍മ്മങ്ങള്‍ക്ക് മുഖ്യകാര്‍മികത്വം വഹിച്ച് സന്ദേശം നല്‍കും.
ചമല്‍ സെന്റ് ജോര്‍ജ് ദേവാലയത്തില്‍ വികാരി ഫാ. ജോര്‍ജ് കുറ്റിക്കാട്ടില്‍, കണ്ണോത്ത് സെന്റ് മേരീസ് പള്ളിയില്‍ ഫാ. എഫ്രേം, പുരുപ്പാടി സെന്റ് വിന്‍സെന്റ് ദേവാലയത്തില്‍ ഫാ. ജോര്‍ജ് പൊന്നയില്‍, പതുപ്പാടി സെന്റ് ജോര്‍ജ് ദേവാലയത്തില്‍ ഫാ. സെബാസ്റ്റ്യന്‍ പുളിക്കല്‍, കാക്കവയല്‍ സെന്റ് അല്‍ഫോന്‍സാ ദേവാലയത്തില്‍ ഫാ. ജോസഫ് പാംപ്ലാനി എന്നിവര്‍ മുഖ്യകാര്‍മികത്വം വഹിക്കും.
പുതുപ്പാടി സെന്റ് പോള്‍സ് ആശ്രമ ചാപ്പലില്‍ നാളെ പുലര്‍ച്ചെ 2.30നു ആരംഭിക്കുന്ന ക്രിസ്മസ് ശുശ്രൂഷകള്‍ക്ക് റവ. കെ.ഐ ഫിലിപ്പ് റമ്പാന്‍, ജോര്‍ജ് മോഡിയില്‍ റമ്പാന്‍ കോര്‍ എപ്പിസ്‌കോപ്പയും സെന്റ് ജോര്‍ജ് ഓര്‍ത്തഡോക്‌സ് വലിയപള്ളിയില്‍ ഫാ. വര്‍ഗ്ഗീസ് കുര്യന്‍, ഫാ. സി.ജെ ജോര്‍ജ്, കാക്കവയല്‍ സെന്റ് ഗ്രിഗോറിയോസ് പള്ളിയില്‍ ഫാ. ജേക്കപ്പ് മാത്യു എന്നിവര്‍ കാര്‍മികത്വം വഹിക്കും.