പേരാവൂര്‍: ജാമ്യത്തിലിറങ്ങിയ ശേഷം രക്ഷപ്പെട്ട മോഷണക്കേസ് പ്രതിയെ 11 വര്‍ഷത്തിനു ശേഷം പൊലിസ് അറസ്റ്റുചെയ്തു. കര്‍ണാടക ചിക്മംഗളൂരു സ്വദേശി അമാലിനെ (51) ആണ് എസ്.ഐ പി.കെ ദാസും സംഘവും പിടികൂടിയത്. 2005ല്‍ കുനിത്തലയിലെ റോഡരികില്‍ നിര്‍ത്തിയ സ്വകാര്യ ബസ് മോഷ്ടിച്ച് കര്‍ണാടകയിലേക്കു കടത്തിയ സംഭവത്തില്‍ ഇയാളെ കര്‍ണാടക പൊലിസ് നേരത്തെ അറസ്റ്റുചെയ്തിരുന്നു. എന്നാല്‍ പേരാവൂര്‍ പൊലിസിനു കൈമാറാനിരിക്കെ ഇയാള്‍ രക്ഷപ്പെടുകയായിരുന്നു. കേസിലെ ഒന്നാംപ്രതി ചിക്മംഗളൂരു സ്വദേശി ഹുസൈന്‍ ഉള്‍പ്പെടെയുള്ള മൂന്നുപേരെ ഇതുവരെ പിടികൂടാനായിട്ടില്ല.