പാറശാല: മര്യാപുരത്ത് ദിവസങ്ങള്‍ക്ക് മുന്‍പ് ബി.ജെ.പി പ്രവര്‍ത്തകനായ ആറയൂര്‍ കോളനി വാറുതട്ട് വിളവീട്ടില്‍ അനില്‍കുമാറിനെ (46) കൊലപ്പെടുത്തിയ കേസില്‍ ഒരാളെക്കൂടി പൊലിസ് അറസ്റ്റ് ചെയ്തു. അമരവിള സ്വദേശിയായ പതി നേഴുകാരനാണ് അറസ്റ്റിലായത്.
കൊലപാതകത്തിനായി കൃത്യസമയത്ത് പ്രതികളുമായി എത്തുകയും സംഭവത്തിനു ശേഷം കൃത്യം നിര്‍വഹിക്കുവാന്‍ ഉപയോഗിച്ച ബൈക്കുകളില്‍ ഒന്ന് ഒളിപ്പിക്കുകയും ചെയ്തതിനാണ് പ്രായപൂര്‍ത്തിയാകാത്ത പതിനേഴുകാരനെ പാറശാലശാല സി.ഐയുടെ നേതൃത്വത്തില്‍ അറസ്റ്റ് ചെയ്തത്.
ഇയാളെ ഇന്നലെ ജുവനൈല്‍ കോടതിയില്‍ ഹാജരാക്കി റിമാന്റ് ചെയ്തു. ഇതോടെ കേസില്‍ അറസ്റ്റിലായവരുടെ എണ്ണം ഏഴായി.