കൊല്ലം: സിറ്റി പൊലിസ് ലഹരി വിരുദ്ധ കര്‍മ പദ്ധതിയുടെ ഭാഗമായി ജില്ലയിലെ സ്‌കൂള്‍ കോളേജ് വിദ്യാര്‍ഥികള്‍ക്കായി ക്ലീന്‍ ക്യാമ്പസ്  സേഫ് ക്യാമ്പസ് എന്ന വിഷയത്തെ ആസ്പദമാക്കി  നടത്തിയ ഉപന്യാസ രചനാ മല്‍സര വിജയികളെ പ്രഖ്യാപിച്ചു. കോളജ് വിഭാഗത്തില്‍ കൊല്ലം എസ.് എന്‍ കോളജിലെ  ആദര്‍ശ് ഒന്നാം സ്ഥാനവും  ഉപാസന നഴ്‌സിംഗ് സ്‌ക്കൂളിലെ  ആര്യാ മോഹന്‍, ടി കെ എം ആര്‍ട്ട്‌സ് കോളേജിലെ വിന്‍ധ് നാഥ് എന്നിവര്‍ക്ക്   രണ്ടാം സ്ഥാനവും,  കൊല്ലം എസ് എന്‍ കോളജിലെ അതുല്‍ ബാബുവിന് മൂന്നാം സ്ഥാനവും ലഭിച്ചു. ഹൈസ്‌ക്കൂള്‍ തലത്തില്‍ നെടുങ്ങോലം ഗവ. എച്ച് എസിലെ  മിലന്‍രാജ് ഒന്നാം സ്ഥാനവും,   ടി കെ എം എച്ച് എസിലെ  അഭി റ്റി പിള്ള, എസ് എന്‍ വി എച്ച് എസിലെ ഫാത്തിമ എന്നിവര്‍ക്ക് രണ്ടാം സ്ഥാനവും, ശിവറാം എച്ച് എസിലെ ആര്‍ഷാ ദീപകത്തിന് മൂന്നാം സ്ഥാനവും ലഭിച്ചു. സമ്മാനദാനം മേയ് 27ന് പാരിപ്പള്ളി അമൃത സ്‌ക്കൂളില്‍ രാവിലെ 11.30ന് ജില്ലാ കലക്ടര്‍ നിര്‍വഹിക്കും.
അവലോകന യോഗം 31ന്
കൊല്ലം: എന്‍.കെ പ്രേമചന്ദ്രന്‍ എം പി യുടെ പ്രാദേശിക വികസന ഫണ്ട് വിനിയോഗം സംബന്ധിച്ച അവലോകന യോഗം 31ന് രാവിലെ 10.30ന് കലക്‌ട്രേറ്റ് കോണ്‍ഫറന്‍സ് ഹാളില്‍ കൂടും.