ആലുവ: മത സാമൂഹിക വിദ്യാഭ്യാസ ജീവകാരുണ്യരംഗത്ത് പ്രഭ ചൊരിഞ്ഞ് 90 വര്‍ഷകാലമായി ജൈത്രയാത്ര തുടരുന്ന സമസ്ത കേരള ജംഇയ്യത്തുല്‍ ഉലമ പിന്നിട്ട 90 വര്‍ഷകാലത്തെ ചരിത്രത്തിലേക്ക് ഒരെത്തിനോട്ടം 'സമസ്ത ചരിത്രത്തിന്റെ നാള്‍വഴികള്‍' എന്ന പുസ്തകത്തിന്റെ എറണാകുളം ജില്ലാ വിതരണോദ്ഘാടനം കോഴിക്കോട് വലിയ ഖാളി പണക്കാട് സയ്യിദ് നാസര്‍ അബ്ദുള്‍ ഹയ്യ് ശിഹാബ് തങ്ങള്‍ നിര്‍വഹിച്ചു.
സമസ്ത കേന്ദ്ര മുശാവറ അംഗം ഇ.എസ്.ഹസ്സന്‍ ഫൈസി ആദ്യ കോപ്പി ഏറ്റുവാങ്ങി. സമസ്ത കേന്ദ്ര മുശാവറ അംഗം എം.എം മുഹയിദ്ദീന്‍ മൗലവി , സമസ്ത ജില്ലാ പ്രസിഡന്റ് ഐ.ബി.ഉസ്മാന്‍ ഫൈസി, മുന്‍മന്ത്രി വി.കെ ഇബ്രാഹിം കുഞ്ഞ് എം.എല്‍.എ, അന്‍വര്‍ സാദത്ത് എം.എല്‍.എ, മുന്‍ എം.എല്‍.എ എ.എം.യൂസഫ് ,ജില്ലാ പഞ്ചായത്ത് വൈസ് പ്രസിഡന്റ് അഡ്വ. ബി.എ അബ്ദുള്‍ മുത്തലിബ് എന്നിവര്‍ സംസാരിച്ചു. ഇസ്‌ലാമിക് സാഹിത്യ അക്കാദമി പ്രസിദ്ധീകരിച്ച ഗ്രന്ഥം പി.എ സ്വാദിഖ് ഫൈസി താനൂരാണ് രചിച്ചത്.