പാലക്കാട്: ചിന്തിക്കുകയും പഠിക്കുകയും ചെയ്യുന്ന വിദ്യാര്‍ഥി സമൂഹത്തിന് വെല്ലുവിളികള്‍ നേരിടുന്ന കാലത്ത് ഇസ്‌ലാമിന്റെ ജീവിക്കുന്ന മാതൃകകളാവാന്‍ കഴിയണമെന്ന് ജമാഅത്തെ ഇസ്‌ലാമി കേരള അസിസ്റ്റന്റ് അമീര്‍ പി. മുജീബ് റഹ്മാന്‍ അഭിപ്രായപ്പെട്ടു. ഇതര സമുദായങ്ങളുമായുള്ള ഹൃദ്യമായ സഹവര്‍ത്തിത്വത്തിലൂടെയാവണം ഇസ്‌ലാമിക പ്രതിനിധാനം നിര്‍വഹിക്കേണ്ടതെന്നും അദ്ദേഹം പറഞ്ഞു. പാലക്കാട് ഫൈന്‍ സെന്ററില്‍ സ്റ്റുഡന്‍സ് കോണ്‍ഫറന്‍സ് ഉദ്ഘാടനം ചെയ്ത് സംസാരിക്കുകയായിരുന്നു അദേഹം.
എസ്.ഐ.ഒ സംസ്ഥാന ജനറല്‍ സെക്രടറി ഷംസീര്‍ ഇബ്രാഹീം അധ്യക്ഷതനായി. 'മുസ്‌ലിം വിദ്യാര്‍ഥി; ഇസ്‌ലാമിക പ്രതിനിധാനം' എന്ന വിഷയത്തില്‍ ജമാഅത്തെ ഇസ്‌ലാമി സംസ്ഥാന സെക്രട്ടറി ശിഹാബ് പൂക്കോട്ടൂരും 'കേരളാ മുസ്‌ലിം നവോഥാനം; ചരിത്രവും വര്‍ത്തമാനവും' എന്ന വിഷയത്തില്‍ ഐ.പി.എച്ച് അസിസ്റ്റന്റ് ഡയറക്ടര്‍ കെ.ടി ഹുസൈനും ക്ലാസുകള്‍ നയിച്ചു. ബി.എ. എക്‌ണോമിക്‌സില്‍ ഒന്നാം റാങ്ക് നേടിയ എ. റഫീനയെ അനുമോദിച്ചു. നൗഷാദ് ആലവി സ്വാഗതവും, ഷംസിയ ഹമീദ് നന്ദിയും പറഞ്ഞു.