കോഴിക്കോട്: കൊടുവള്ളിക്കടുത്ത് വെണ്ണക്കാട് ടൂറിസ്റ്റ് ബസ് മറിഞ്ഞ് മുപ്പത്തിയൊമ്പത് പേര്‍ക്ക് പരുക്ക്. വിനോദയാത്ര കഴിഞ്ഞ് മടങ്ങുകയായിരുന്ന ആറ്റിങ്ങല്‍ ഗവണ്‍മെന്റ് കോളേജിലെ വിദ്യാര്‍ത്ഥികള്‍ സഞ്ചരിച്ച ബസാണ് അപകടത്തില്‍ പെട്ടത്. പരുക്കേറ്റവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയാണ്. പുലര്‍ച്ചെ നാല് മണിയോടെയാണ് അപകടമുണ്ടായത്.

ബസ് നിയന്തണം വിട്ട മറിയുകയായിരുന്നു. മൈസൂരില്‍ നിന്നും വിനോദയാത്ര കഴിഞ്ഞ് മടങ്ങുന്ന വഴിയാണ് അപകടമുണ്ടായത്. അമിത വേഗതയാണ് അപകടത്തിന് കാരണമെന്നാണ് കരുതുന്നത്. ഒരു മണിക്കൂറോളം പ്രയത്നിച്ച് ബസിന്റെ പിൻഭാഗം വെട്ടിപ്പൊളിച്ചാണ് ബസ്സിനുള്ളില്‍ കുടുങ്ങിയവരെ പുറത്തെത്തിച്ചത്.