കൊണ്ടോട്ടി: ഹജ്ജ് 2017 ട്രെയ്‌നര്‍മാരായി പ്രവര്‍ത്തിക്കാന്‍ അപേക്ഷ നല്‍കിയവരുടെ അഭിമുഖം പൂര്‍ത്തിയായി.
കണ്ണൂര്‍, കാസര്‍കോട് ജില്ലകളില്‍ നിന്നുള്ളവരുടെ അഭിമുഖം കണ്ണൂരിലും, മലപ്പുറം, പാലക്കാട്, തൃശൂര്‍ ജില്ലകളില്‍നിന്നുള്ളവര്‍ക്ക് കരിപ്പൂര്‍ ഹജ്ജ് ഹൗസിലും, കോഴിക്കോട്, വയനാട് ജില്ലകളില്‍നിന്നുള്ളവര്‍ക്ക് കോഴിക്കോട് വഖ്ഫ് ബോര്‍ഡ് ഓഫിസിലുമാണ് അഭിമുഖം നടന്നത്. മറ്റുജില്ലകളില്‍നിന്നുള്ളവര്‍ക്ക് എറണാകുളം വഖ്ഫ് ബോര്‍ഡ് ഓഫിസില്‍ വച്ചും അഭിമുഖം പൂര്‍ത്തിയായി.
ഈ വര്‍ഷം 557 പേരാണ് വിവിധ ജില്ലകളില്‍നിന്ന് അപേക്ഷകരായുള്ളത്. ഇവരില്‍ 300 പേരെ തെരഞ്ഞെടുക്കും. തെരഞ്ഞെടുക്കപ്പെട്ടവരുടെ ലിസ്റ്റ് അടുത്ത ദിവസം ഹജ്ജ് കമ്മിറ്റി പ്രസിദ്ധീകരിക്കും.