കല്‍പ്പറ്റ: കല്‍പ്പറ്റ നിയോജക മണ്ഡലം മുസ്‌ലിംലീഗ് പ്രതിനിധി സമ്മേളനം ഇന്ന് കല്‍പ്പറ്റ ചന്ദ്രഗിരി ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 2016-20 വര്‍ഷത്തെ മുസ്‌ലിംലീഗ് മെമ്പര്‍ഷിപ്പ് ക്യാംപയിന്റെ നിയോജക മണ്ഡലംതലം സമാപനം കുറിച്ച് മണ്ഡലത്തിലെ പുതുതായി നിലവില്‍ വന്ന 140 ശാഖാ-വാര്‍ഡ് കമ്മിറ്റി ഭാരവാഹികള്‍, പോഷക ഘടക പഞ്ചായത്ത്തല ഭാരവാഹികള്‍ എന്നിവരുള്‍പ്പെടെ രണ്ടായിരത്തോളം തെരഞ്ഞെടുത്ത പ്രതിനിധികളാണ് സമ്മേളനത്തില്‍ പങ്കെടുക്കുക.
കെ.എ മുഹമ്മദ്കുഞ്ഞി സാഹിബ് നഗറില്‍ നടക്കുന്ന സമ്മേളനത്തിന് തുടക്കം കുറിച്ച് രാവിലെ 9.30ന് പതാകയുയര്‍ത്തും. തുടര്‍ന്ന് സമ്മേളനം മുസ്‌ലിംയൂത്ത്‌ലീഗ് സംസ്ഥാന പ്രസിഡന്റ് പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. മണ്ഡലംലീഗ് പ്രസിഡന്റ് റസാഖ് കല്‍പ്പറ്റ അധ്യക്ഷത വഹിക്കും.
ജില്ലാ പ്രസിഡന്റ് പി.പി.എ കരീം, വൈസ്പ്രസിഡന്റ് പി.കെ അബൂബക്കര്‍, യൂത്ത്‌ലീഗ് സംസ്ഥാന വൈസ് പ്രസിഡന്റ് പി ഇസ്മായില്‍, എം.എസ്.എഫ് സംസ്ഥാന ജനറല്‍സെക്രട്ടറി എം.പി നവാസ് സംസാരിക്കും.
തുടര്‍ന്ന് നടക്കുന്ന ക്ലാസുകളില്‍ കാലിക്കറ്റ് യൂനിവേഴ്‌സിറ്റി സിന്‍ഡിക്കേറ്റ് മെമ്പര്‍ പി.എ റഷീദ്, മുസ്‌ലിംലീഗ് മലപ്പുറം ജില്ലാ ജനറല്‍സെക്രട്ടറി അഡ്വ.കെ.എന്‍.എ ഖാദര്‍, കെ.എം ഷാജി എം.എല്‍.എ എന്നിവര്‍ വിഷയം അവതരിപ്പിക്കും. 3.30ന് നടക്കുന്ന സമാപന സമ്മേളനം പി.കെ കുഞ്ഞാലിക്കുട്ടി ഉദ്ഘാടനം ചെയ്യും.
മുസ്‌ലിംലീഗ് ജില്ലാ ജനറല്‍ സെക്രട്ടറി കെ.കെ അഹമ്മദ് ഹാജി, വൈസ്പ്രസിഡന്റ് കെ.എം.കെ ദേവര്‍ഷോല, സെക്രട്ടറി സി മൊയ്തീന്‍കുട്ടി, യൂത്ത്‌ലീഗ് മണ്ഡലം പ്രസിഡന്റ് കേയംതൊടി മുജീബ് സംസാരിക്കും.
യൂത്ത്‌ലീഗ് സംസ്ഥാന പ്രസിഡന്റ് സയ്യിദ് മുനവ്വറലി ശിഹാബ് തങ്ങള്‍, കല്‍പ്പറ്റ നഗരസഭാ ചെയര്‍പേഴ്‌സണ്‍ ഉമൈബാ മൊയ്തീന്‍കുട്ടി, യൂത്ത്‌ലീഗ് സംസ്ഥാന വൈസ്പ്രസിഡന്റ് പി ഇസ്മായില്‍, എം.എസ്.എഫ് സംസ്ഥാന ജനറല്‍സെക്രട്ടറി എം.പി നവാസ്, നാലു പതിറ്റാണ്ട്കാലം മുസ്‌ലിംലീഗ് നിയോജക മണ്ഡലം ഭാരവാഹിയായ പി.എ ആലിഹാജി എന്നിവരെ സമ്മേളനത്തില്‍ ആദരിക്കും.
വാര്‍ത്താ സമ്മേളനത്തില്‍ റസാഖ് കല്‍പ്പറ്റ, സലാം നീലിക്കണ്ടി, സലിം മേമന, സി മൊയ്തീന്‍കുട്ടി, എന്‍ മുസ്തഫ എന്നിവര്‍ പങ്കെടുത്തു.