പള്ളിക്കര: പെരിങ്ങാല റെയ്ഞ്ച് സമസ്ത കേരള ജംഇയത്തുല്‍ മുഅല്ലിമിനും മദ്‌റസ മനേജ്‌മെന്റ് അസോസിയേഷനും സംയുക്തമായി സംഘടിപ്പിച്ച മിലാദ് സംഗമവും റാലിയും ജനപങ്കാളിത്തം കൊണ്ട് ശ്രദ്ധേയമായി. അബൂബക്കര്‍ മന്നാനി ഉദ്ഘാടനം ചെയ്തു. ഇസ്മായില്‍ ഫൈസി വണ്ണപ്പുറം മിലാദ് സന്ദേശം നല്‍കി. പള്ളിക്കര ജുമാ മസ്ജിദ് കൈക്കാരന്‍ പി.കെ അബുബക്കര്‍ റെയ്ഞ്ച് പ്രസിഡന്റ് വി.കെ മുഹമ്മദ് ദാരിമിക്ക് പതാക കൈമാറി. പെരിങ്ങാല മര്‍ക്കസുല്‍ ഹുദയില്‍ നിന്നും ആരംഭിച്ച റാലി പള്ളിക്കര ജുമാ മസ്ജിദ് അങ്കണത്തില്‍ സമാപിച്ചു. തുടര്‍ന്ന് മൗലീദ് പാരായണവും അന്നദാനവും നടന്നു.
സമസ്ത മുഫത്തിഷ് കെ.ഇ മുഹമ്മദ് മുസ്‌ലിയാര്‍ മുഖ്യ പ്രഭാഷണം നടത്തി. ആര്‍.ജെ.എം ജനറല്‍ സെക്രട്ടറി കബീര്‍ ബാഖവി, മദ്‌റസ്സ മാനേജ്‌മെന്റ് അസോസിയേഷന്‍ പ്രസിഡന്റ് ബക്കര്‍ ഹാജി, ജനറല്‍ കണ്‍വീനര്‍ കെ.എ മുഹമ്മദ്, ഷുഹൈബ് ബാഖവി, മുഹമ്മദ് അഷ്‌റഫ് , മുഹമ്മദ് ദാരിമി, ഷെഫീഖ് ബാഖവി, സിദ്ദീഖ് ഫൈസി, മുഹമ്മദ് അനസ് അല്‍ഖാസിമി, പി.കെ സലാം, കെ.പി ഇസ്മായില്‍ ഫൈസി, ശിഹാബുദ്ദീന്‍ സഖാഫി, അഷറഫ് പിണര്‍മുണ്ട, അബ്ദുള്‍ റഷീദ് മൗലവി, അബുബക്കര്‍ പാടത്താന്‍, അന്‍സാര്‍, പി.കെ മുഹമ്മദ്, എന്നിവര്‍ പങ്കെടുത്തു. സമസ്ത പ്രസിഡണ്ടായിരുന്ന കുമരംപുത്തൂര്‍ എ.പി.മുഹമ്മദ് മുസ്‌ലിയാര്‍ അനുസ്മരണവും നടന്നു.