വെങ്ങപ്പള്ളി: ജാമിഅ നൂരിയ്യ അറബിയ്യ 54-ാം വാര്‍ഷിക, 52-ാം സനദ് ദാന സമ്മേളനത്തിന്റെ ജില്ലാ പ്രചാരണ വാഹന ജാഥ 29, 29, 30 തിയതികളിലായി നടക്കും. ഇന്ന് രാവിലെ 8.30ന് ശംസുല്‍ ഉലമാ ഇസ്‌ലാമിക് അക്കാദമിയില്‍ സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ ഉദ്ഘാടനം ചെയ്യും. തുടര്‍ന്ന് വെങ്ങപ്പള്ളി, പിണങ്ങോട്, കാവുംമന്ദം, പടിഞ്ഞാറത്തറ, വാരാമ്പറ്റ, തരുവണ, വെള്ളമുണ്ട, നിരവില്‍പ്പുഴ, മാനന്തവാടി എന്നിവിടങ്ങളില്‍ പര്യടനം നടത്തി അഞ്ചാം മൈലില്‍ സമാപിക്കും. നാളെ സമസ്ത കേന്ദ്ര മുശാവറ അംഗം മൂസക്കോയ മുസ്്‌ലിയാര്‍ ഉള്ളിശ്ശേരി മഖാമില്‍ ഉദ്ഘാടനം ചെയ്യും. തുടര്‍ന്ന് ഇമാം ഗസ്സാലി, കൂളിവയല്‍, പനമരം, മില്ല്മുക്ക്, കണിയാമ്പറ്റ, കബ്ലക്കാട്, മീനങ്ങാടി, വാകേരി, പാപ്ലശ്ശേരി, ബത്തേരി, കെല്ലൂര്‍ എന്നിവിടങ്ങളില്‍ പര്യടനം നടത്തി ബീനാച്ചിയില്‍ സമാപിക്കും. ശനിയാഴ്ച സമസ്ത ബത്തേരി താലൂക്ക് പ്രസിഡന്റ് അബൂബക്കര്‍ ഫൈസി മണിച്ചിറ ദാറുല്‍ ഉലൂമില്‍ ഉദ്ഘാടനം ചെയ്യും. തുടര്‍ന്ന് കോളിയാടി, മാടക്കര, ചുള്ളിയോട്, അമ്പലവയല്‍, വടുവഞ്ചാല്‍, റിപ്പണ്‍, മേപ്പാടി, ചുണ്ടേല്‍, വൈത്തിരി, പൊഴുതന, ആറാം മൈല്‍, കല്‍പ്പറ്റ, മുട്ടില്‍ എന്നിവിടങ്ങളില്‍ പര്യടനം നടത്തും.