മലപ്പുറം: എം.എസ്.എഫ് സംസ്ഥാന വ്യാപകമായി നടത്തുന്ന ചങ്ങാതിക്കൂട്ടം പരിപാടികള്‍ക്കു ജില്ലയില്‍ തുടക്കമായി. കലാകായിക മത്സരങ്ങള്‍, പഠനാര്‍ഹമായ സെഷനുകള്‍ എന്നിവ ഉള്‍പ്പെടുത്തിയാണ് ചങ്ങാതിക്കൂട്ടം. ജില്ലാതല ഉദ്ഘാടനം വണ്ടൂര്‍ മണ്ഡലത്തിലെ തുവ്വൂര്‍ പള്ളിപ്പറമ്പ് യൂനിറ്റില്‍ ദേശീയ സെക്രട്ടറി അഡ്വ. എന്‍.എ കരീം നിര്‍വഹിച്ചു. ജില്ലാ പ്രസിഡന്റ് ടി.പി ഹാരിസ് അധ്യക്ഷനായി. സംസ്ഥാന ട്രഷറര്‍ യൂസുഫ് വല്ലാഞ്ചിറ, സെക്രട്ടറി നിഷാദ് കെ. സലീം, യൂത്ത്‌ലീഗ് ജില്ലാ വൈസ്പ്രസിഡന്റ് മുസ്തഫ അബ്ദുല്‍ ലത്തീഫ് തുടങ്ങിയവര്‍ സമ്മാനവിതരണവും കളത്തില്‍ കുഞ്ഞാപ്പു ഹാജി ക്യാഷ് അവാര്‍ഡ് വിതരണവും നടത്തി. വണ്ടൂര്‍ ബ്ലോക്ക് പഞ്ചായത്ത് പ്രസിഡന്റ് പി. ഖാലിദ് മാസ്റ്റര്‍, എം.എസ്.എഫ് ജില്ലാ ജനറല്‍ സെക്രട്ടറി വി.പി അഹമ്മദ് സഹീര്‍, ട്രഷറര്‍ നിഷാജ് എടപ്പറ്റ, ജുനൈദ് പാമ്പലത്ത് തുടങ്ങിയവര്‍ സംബന്ധിച്ചു.