തൊടുപുഴ: കേന്ദ്രസര്‍ക്കാരിന്റെ നോട്ട് റദ്ദാക്കല്‍ സാമൂഹ്യജീവിതത്തിലുണ്ടാക്കിയ ദുരിതങ്ങളും സഹകരണമേഖലയെ തകര്‍ക്കാനുള്ള ബിജെപിയുടെ ഗൂഢലക്ഷ്യവും പൊറുക്കില്ലെന്ന സന്ദേശവുമായി ഇടുക്കിയില്‍ 15 കേന്ദ്രങ്ങളില്‍ പ്രതിരോധം തീര്‍ത്ത് മനുഷ്യച്ചങ്ങല.
തൊടുപുഴയിലും കരിമണ്ണൂരിലും മൂലമറ്റത്തും മനുഷ്യച്ചങ്ങലയില്‍ ഒരു മനസോടെ കണ്ണികളായി. വൈദ്യുതി മന്ത്രി എം.എം മണി തൊടുപുഴയിലും മന്ത്രി വി.എസ്.സുനില്‍കുമാര്‍ മൂന്നാറിലും കണ്ണിയായി.
തൊടുപുഴയില്‍ മുനിസിപ്പല്‍ ബസ്‌സ്റ്റാന്‍ഡ് മുതല്‍ വെങ്ങല്ലൂര്‍ വരെയായിരുന്നു മനുഷ്യച്ചങ്ങല. ചെങ്കൊടികളും ചുവപ്പ് തോരണങ്ങളും കൊണ്ട് അലംകൃതമായ പാതയുടെ ഓരം ചേര്‍ന്ന്‌കൈകള്‍ ചേര്‍ത്തുപിടിച്ച് സമരമുഖത്ത് അണിനിരന്നവരില്‍ സാമൂഹ്യജീവിതത്തിന്റെ സമസ്തമേഖലയില്‍നിന്നുമുള്ളവരുണ്ടായിരുന്നു. വിവിധ സാമ്പത്തികസ്ഥാപനങ്ങളിലെ ജീവനക്കാര്‍, വിവിധ വിഭാഗം ജീവനക്കാര്‍, പണിയെടുത്തിട്ടും സമയത്ത് കൂലി ലഭിക്കാാത്തതിന്റെ ദുരിതം പേറുന്ന തൊഴിലാളികള്‍. അവര്‍ക്ക് പ്രതിഫലം നല്‍കാന്‍ കഴിയാത്ത കര്‍ഷകര്‍, സ്‌കൂളില്‍ ഫീസ് നല്‍കാന്‍ കഴിയാത്ത അഛനമ്മമാര്‍ക്കൊപ്പം സങ്കടവുമായി കുട്ടികള്‍, നിര നീണ്ടു.
തൊടുപുഴ ഗാന്ധി സ്‌ക്വയറിന് സമീപം പഴയ ബസ് സ്റ്റാന്‍ഡിലാണ് മനുഷ്യച്ചങ്ങലയ്ക്കുശേഷം പൊതുയോഗം ചേര്‍ന്നത്. മന്ത്രി എം.എം മണി ഉദ്ഘാടനം ചെയ്തു. സിപിഐ സംസ്ഥാന കൗണ്‍സിലംഗം കെ സലിംകുമാര്‍ അധ്യക്ഷനായി. എല്‍ഡിഎഫ് നിയോജകമണ്ഡലം കണ്‍വീനര്‍ വി. വി മത്തായി പ്രതിജ്ഞ ചൊല്ലിക്കൊടുത്തു. എസ്എന്‍ഡിപി യോഗം മുന്‍ പ്രസിഡന്റ് അഡ്വ. സി കെ വിദ്യാസാഗര്‍, എല്‍ഡിഎഫ് ഘടകകക്ഷി നേതാക്കള്‍, സഹകരിക്കുന്ന കക്ഷികളുടെ നേതാക്കള്‍ എന്നിവര്‍ സംസാരിച്ചു.
കട്ടപ്പന മുതല്‍ വെള്ളയാംകുടി വരെ 3 കീലോമീറ്ററാണ് ചങ്ങല തീര്‍ത്തത്. സിപിഎം ജില്ലാ സെക്രട്ടറി കെ.കെ ജയചന്ദ്രന്‍ ആദ്യ കണ്ണിയായി. അഡ്വ. ജോയ്‌സ് ജോര്‍ജ് എം.പി പ്രതിജ്ഞ ചെല്ലി.
ഇ.എസ് ബിജിമോള്‍ എംഎല്‍എ, മത്യൂ സ്റ്റീഫന്‍, നേതാക്കളായ വി ആര്‍ സജി, എന്‍ ശിവരാജന്‍, വി ആര്‍ ശശി, സി കെ മോഹനന്‍, സി എസ് രാജേന്ദ്രന്‍, കെ എം തോമസ്, സാലി ജോളി, തുടങ്ങി പ്രമൂഖര്‍ ചങ്ങിലയില്‍ കണ്ണിയായി. ചങ്ങിലയ്ക്ക് മുന്നോടിയായി നടന്ന യോഗം കെ കെ ജയചന്ദ്രന്‍ ഉദ്ഘാടനം ചെയ്തു.
തോട്ടം ാെതഴിലാളികളുടെ പങ്കാളിത്വം കൊണ്ട് ശ്രദ്ധേയമായിരുന്നു വണ്ടന്‍മേട്ടില്‍ നടന്ന ചങ്ങല. സ്ത്രീകളും കുട്ടികളുമടക്കമാണ് തൊഴിലാളികളും ബഹുജനങ്ങളും ചങ്ങലയില്‍ കണ്ണിയായത്.
കരിമണ്ണൂരില്‍ പഞ്ചായത്ത് ഓഫീസ് ജങ്ഷന്‍ മുതല്‍ ഹൈസ്‌കൂള്‍ കവലവരെയായിരുന്ന ചങ്ങല. വണ്ണപ്പുറം സഹകരണബാങ്ക് പ്രസിഡന്റ് കെ.എം സോമന്‍ പ്രതിജ്ഞ ചൊല്ലിക്കൊടുത്തു. രേദാണാചാര്യ കെ പി തോമസ്, ചലച്ചിത്രനടന്‍ ജാഫര്‍ ഇടുക്കി തുടങ്ങിയവര്‍ ചങ്ങലയില്‍ കണ്ണികളായി. മൂലമറ്റം ഏരിയയിലെ ചങ്ങല മുട്ടം തോട്ടിന്‍കര മുതല്‍ കോടതി ജങ്ഷന്‍ വരെയായിരുന്നു.