ശ്രീനഗര്‍: ചെറിയ ഇടവേളയ്ക്ക് ശേഷം കശ്മീര്‍ വീണ്ടും അശാന്തിയിലേക്കു നീങ്ങുന്നു. വിഘടനവാദികളുടെ നേതൃത്വത്തില്‍ ഇന്ന് കശ്മീര്‍ താഴ്‌വരയില്‍ ബന്ദ് നടത്തുകയാണ്.

എല്ലാ കടകളും കച്ചവട സ്ഥാപനങ്ങളും മറ്റും അടഞ്ഞുകിടക്കുകയാണ്. ഗതാഗതവും നിലച്ചു.

ശനിയാഴ്ചയും ബന്ദ് തുടരുമെന്നാണ് റിപ്പോര്‍ട്ട്. വിമത പാര്‍ട്ടികളെല്ലാം ചേര്‍ന്നാണ് ബന്ദ് നടത്തുന്നത്.

പടിഞ്ഞാറന്‍ പാകിസ്താനിലെ അഭയാര്‍ഥികള്‍ക്ക് സ്ഥിരവാസ സര്‍ട്ടിഫിക്കറ്റ് നല്‍കാന്‍ സംസ്ഥാന സര്‍ക്കാര്‍ തീരുമാനിച്ചതില്‍ പ്രതിഷേധിച്ചാണ് ബന്ദ്.