കോഴിക്കോട്: വിദ്യാഭ്യാസ ബോധവല്‍ക്കരണരംഗത്ത് രണ്ടുപതിറ്റാണ്ടായ് പരിശീലന പ്രവര്‍ത്തനങ്ങള്‍ നടത്തുന്ന ആക്‌സസ് ഇന്ത്യയുടെ ഒരുവര്‍ഷം നീണ്ടുനില്‍ക്കുന്ന ഇരുപതാം വാര്‍ഷികാഘോഷങ്ങള്‍ക്ക് കോഴിക്കോട് തുടക്കംകുറിച്ചു.
വിദ്യാഭ്യാസ പരിശീലനങ്ങള്‍ക്കുള്ള സ്മാര്‍ട്ട് ക്ലാസ്‌റൂം ആക്‌സസ് ഇന്ത്യാ കേരളാ ചാപ്റ്റര്‍ പ്രസിഡന്റ് എം.വി റഷീദ് മാസ്റ്റര്‍ പൊതുജനങ്ങള്‍ക്കായി സമര്‍പ്പിച്ചുകൊണ്ടാണ് ഉദ്ഘാടനം നിര്‍വഹിച്ചത്. വിവിധ ജില്ലകളില്‍നിന്നായി എത്തിയ ആക്‌സസ് ട്രെയ്‌നേഴ്‌സിന് പരിശീലനം പ്രമുഖ മനശാസ്ത്രജ്ഞനും വിദ്യാഭ്യാസ ബോധവല്‍ക്കരണ പരിശീലകനുമായ ഡോ. അനസ് നിലമ്പൂര്‍ നിര്‍വഹിച്ചു. അസ്‌ലം പേരാമ്പ്ര, മുസ്തഫ കൊമ്മേരി, സി.കെ റാഷിദ്, ഷറാഫത് കൊല്ലം, പി. പി മുബഷിര്‍ സംസാരിച്ചു.