കൊളത്തൂര്‍: ന്യൂസ്റ്റാര്‍ കള്‍ച്ചറല്‍ സെന്ററിന്റെ കീഴില്‍ ക്ലീന്‍ ഓണപ്പുട പദ്ധതിക്ക് തുടക്കമിട്ടു. പദ്ധതിയുടെ ഭാഗമായി എല്ലാ വീടുകള്‍ക്കും പ്രകൃതി സൗഹൃദ ഷോപ്പിങ് കവറുകള്‍ നല്‍കുകയും ഓണപ്പുട ടൗണില്‍ വേസ്റ്റ് ബാസ്‌കറ്റുകള്‍ സ്ഥാപിക്കുകയും ചെയ്യും.
പദ്ധതിയുടെ ആദ്യഘട്ടമായി ഓണപ്പുട ടൗണ്‍ പരിസരം ക്ലബ് പ്രവര്‍ത്തകര്‍ ചേര്‍ന്ന് വൃത്തിയാക്കി. കെ.ടി ഹംസ മാസ്റ്റര്‍ ഉദ്ഘാടനം ചെയ്തു. വിനോദ്, ജംഷീദ്, മനോജ്, അന്‍സാര്‍, ഷബീബ് നേതൃത്വം നല്‍കി.