മലപ്പുറം: ഒരേ മഹല്ലില്‍ 25 വര്‍ഷം പൂര്‍ത്തീകരിച്ച ജില്ലയിലെ 87 മുഅദ്ദിനുകളെ സമസ്ത മലപ്പുറം ജില്ലാ കമ്മിറ്റി ആദരിക്കും. പട്ടിക്കാട് ജാമിഅഃ നൂരിയ്യ അറബിയ്യയുടെ 54ാം വാര്‍ഷിക 52ാം സനദ്ദാന സമ്മേളനത്തിന്റെ ഭാഗമായി നടക്കുന്ന ആദരിക്കല്‍ ചടങ്ങ് അഞ്ചിനു വൈകിട്ട് നാലിനു ജാമിഅ കോണ്‍ഫറന്‍സ് ഹാളില്‍ നടക്കും.
പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉപഹാര സമര്‍പ്പണം നടത്തും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. സമസ്ത ജില്ലാ പ്രസിഡന്റ് എം.ടി അബ്ദുള്ള മുസ്‌ലിയാര്‍ അധ്യക്ഷനാകും. പാണക്കാട് സയ്യിദ് സ്വാദിഖലി ശിഹാബ ്തങ്ങള്‍, സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, പി. കുഞ്ഞാണി മുസ്‌ലിയാര്‍, സി.കെ.എം സ്വാദിഖ് മുസ്‌ലിയാര്‍, എം.എം മുഹ്‌യിദ്ദീന്‍ മുസ്‌ലിയാര്‍, ഹാജി കെ. മമ്മദ് ഫൈസി, മഞ്ഞളാംകുഴി അലി എം.എല്‍.എ, പി. അബ്ദുല്‍ ഹമീദ് എം.എല്‍.എ, മുന്‍ മന്ത്രി അഡ്വ. എന്‍. സൂപ്പി സംസാരിക്കും.
അവാര്‍ഡ് പ്രഖ്യാപന യോഗത്തില്‍ അവാര്‍ഡ് കമ്മിറ്റി ചെയര്‍മാന്‍ ഹാജി കെ. മമ്മദ് ഫൈസി അധ്യക്ഷനായി. ജില്ലാ പ്രസിഡന്റ് എം.ടി അബ്ദുള്ള മുസ്‌ലിയാര്‍ ഉദ്ഘാടം ചെയ്തു. ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ അവാര്‍ഡ് പ്രഖ്യാപനം നടത്തി. പുത്തനഴി മൊയ്തീന്‍ ഫൈസി സ്വാഗതവും അസ്ഗറലി ഫൈസി നന്ദിയും പറഞ്ഞു.