പുലാമന്തോള്‍: വളപുരത്തും പരിസരപ്രദേശങ്ങളിലും തെരുവുനായയുടെ അക്രമം. ഇന്നലെ ഒന്‍പത് വയസുകാരനേയും മധ്യവയസ്‌ക്കനേയും തെരുവുനായ അക്രമിച്ചു. വൈകിട്ട് 5.30ഓടെ വീടിനു സമീപത്ത് സുഹൃത്തുക്കളുമൊത്ത് കളിച്ചുകൊണ്ടിരിരുന്ന ഒന്‍പതു വയസുകാരനെ തെരുവുനായ അക്രമിക്കുകയായിരുന്നു.
പരുക്കേറ്റ കൊരക്കാക്കോട്ടില്‍ ബീരാന്‍ കുട്ടിയുടെ മകന്‍ മുഹമ്മദ് അമീന്‍ (ഒന്‍പത്) മഞ്ചേരി മെഡിക്കല്‍ കോളജ് ആശുപത്രിയില്‍ ചികിത്സ തേടി. വൈകിട്ടോടെ വളപുരം പടിഞ്ഞാറേക്കരയിലെ ഷൗകത്ത് മുസ്‌ലിയാര്‍ക്കും നായയുടെ കടിയേറ്റു. പള്ളിയിലേക്കു പോകുമ്പോഴായിരുന്നു ഇത്. ഷൗക്കത്ത് മുസ്‌ലിയാര്‍ പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സതേടി.