കുട്ടിക്കാനം: ഇടുക്കിയിലെ കുട്ടിക്കാനത്ത് ഇതര സംസ്ഥാന തൊഴിലാളി സ്ത്രീയെ കൊലപ്പെടുത്തിയ കേസില്‍ രണ്ട് പേരെ പൊലിസ് അറസ്റ്റ് ചെയ്തു. തമിഴ്‌നാട് സ്വദേശി വിശ്വനാഥന്‍, ഒഡീഷ സ്വദേശി പത്ര എന്നിവരെയാണ് ഇടുക്കി എസ്പി എവി ജോര്‍ജ്ജിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.

കഴിഞ്ഞ ദിവസമാണ് പീരുമേട് തോട്ടത്തിന് സമീപം ഒഡീഷ സ്വദേശി സബിത മോഗെയെ കൊല്ലപ്പെട്ട നിലയില്‍ കണ്ടെത്തിയത്. കൊല്ലപ്പെട്ട യുവതിയുടെ ശരീരത്തില്‍ വെട്ടേറ്റതും അല്ലാതെയുമായി 58 മുറിവുകള്‍ ഉണ്ടായിരുന്നെന്ന് പൊലിസ് പറഞ്ഞു. പ്രതികളെ ഇന്ന് കോടതിയില്‍ ഹാജരാക്കും.

ഒഡീഷ സ്വദേശി കുന്തന്‍ മാജിയുടെ ഭാര്യയായ സബിതയെ ഞായറാഴ്ചയാണ് കൊലപ്പെടുത്തി തോട്ടത്തിലെ കുറ്റിക്കാട്ടില്‍ ഒളിപ്പിച്ചത്.