മനാമ: ബഹ്‌റൈനില്‍ യുവതി വിമാനത്തില്‍ പ്രസവിച്ചു. കഴിഞ്ഞ ദിവസം അബൂദബിയില്‍ നിന്ന് ദോഹയിലേക്ക് പുറപ്പെട്ട വിമാനത്തിലാണ് അറബ് വംശജയായ സ്ത്രീ പ്രസവിച്ചത്. ഇതേ തുടര്‍ന്ന് ബഹ്‌റൈന്‍ വിമാനത്താവളത്തില്‍ വിമാനം ഇറക്കുകയും സ്ത്രീയെയും നവജാത ശിശുവിനെയും കിങ് ഹമദ് യൂനിവേഴ്‌സിറ്റി ആശുപത്രിയിലേക്ക് മാറ്റുകയും ചെയ്തു.

ഇത്തരമൊരു സംഭവം ബഹ്‌റൈന്‍ എയര്‍പോര്‍ട്ടിന്റെ ചരിത്രത്തിലാദ്യമാണെന്ന് അധികൃതര്‍ അറിയിച്ചു.
ദോഹയില്‍ കാലാവസ്ഥ മോശമായതിനെ  തുടര്‍ന്നാണ് വിമാനം ബഹ്‌റൈനിലേക്ക് തിരിച്ചുവിട്ടത്. തുടര്‍ന്ന് ബഹ്‌റൈന്‍ വിമാനത്താവളത്തില്‍ ഇറങ്ങും മുമ്പ് യുവതി കുഞ്ഞിന് ജന്‍മം നല്‍കുകയായിരുന്നു.

സ്ത്രീക്കും കുട്ടിക്കും ബഹ്‌റൈന്‍ വിമാനത്താവളത്തിലെ പാസ്‌പോര്‍ട് വിഭാഗം എല്ലാ വിധ സൗകര്യങ്ങളും ഒരുക്കിയിരുന്നതായി ബഹ്‌റൈനിലെ താമസകുടിയേറ്റ വിഭാഗത്തിലെ പാസ്‌പോര്‍ട്‌സ്, സെര്‍ച്ച് ആന്റ് ഫോളോ അപ് വിഭാഗം അസിസ്റ്റന്റ് അണ്ടര്‍ സെക്രട്ടറി അറിയിച്ചു.