തൃക്കരിപ്പൂര്‍: എസ്.വൈ.എസ് തൃക്കരിപ്പൂര്‍ മണ്ഡലം കമ്മറ്റി, പടന്ന പഞ്ചായത്ത് കമ്മറ്റിയുടെയും സംയുക്താഭിമുഖ്യത്തില്‍ ഐ.എസ്.ഐ.എസ്, സലഫിസം, ഫാശിസം എന്ന വിഷയത്തില്‍ പടന്നയില്‍ പൊതുയോഗം സംഘടിപ്പിച്ചു. ജില്ലാ പ്രസിഡന്റ് ടി.കെ പൂക്കോയതങ്ങള്‍ ഉദ്ഘാടനം ചെയ്തു.
സമസ്ത ജില്ലാ വൈ. പ്രസിഡന്റ് കെ.ടി അബ്ദുല്ല ഫൈസി പ്രാര്‍ത്ഥന നടത്തി. മണ്ഡലം പ്രസിഡന്റ് ടി.കെ.സി അബ്ദുല്‍ ഖാദിര്‍ ഹാജി അധ്യക്ഷനായി. എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ വിഷയം അവതരിപ്പിച്ച് സംസാരിച്ചു.
കെ.സി അബൂബക്കര്‍ ബാഖവി, താജുദ്ദീന്‍ ദാരിമി പടന്ന, യു.എം ജമാല്‍ ഫൈസി, പി.വി അഹമ്മദ് ശരീഫ് ഹാജി, കെ.എം ശംസുദ്ദീന്‍ഹാജി, സഈദ് ദാരിമിപ്രസംഗിച്ചു. വി.കെ.പി അഹമ്മദ് കുഞ്ഞി സ്വാഗതവും പി മുഹമ്മദ് കുഞ്ഞി മാസ്റ്റര്‍ നന്ദിയും പറഞ്ഞു.