അങ്ങാടിപ്പുറം: ചെരക്കാപറമ്പ് കടുങ്ങലൂര്‍ പാടശേഖരത്തെ നെല്‍ചെടികളില്‍ മഞ്ഞളിപ്പ് രോഗം ബാധിച്ച സാഹചര്യത്തില്‍ കര്‍ഷകര്‍ക്ക് വേണ്ട സഹായ സഹകരണങ്ങള്‍ ചെയ്യാന്‍ നടപടി സ്വീകരിച്ചതായി പഞ്ചായത്ത് പ്രസിഡന്റ് ഒ കേശവന്‍ പറഞ്ഞു.
മാധ്യമങ്ങളില്‍ വന്ന വാര്‍ത്തയെ തുടര്‍ന്നാണ് നടപടി. വാര്‍ത്ത ശ്രദ്ധയില്‍പ്പെട്ട ഉടന്‍ കൃഷി ഓഫിസറുമായി ബന്ധപ്പെട്ടിരുന്നെന്നും അടുത്ത ദിവസങ്ങളില്‍ തന്നെ അസുഖം ബാധിച്ച നെല്‍വയലുകളില്‍ മരുന്ന് അടിക്കുവാനുള്ള നിര്‍ദ്ദേശവും കൃഷി ഓഫിസര്‍ക്ക് നല്‍കിയിട്ടുണ്ടെന്നും അദ്ദേഹം പറഞ്ഞു. പഞ്ചായത്തിന്റെ ഏതെങ്കിലും ഭാഗങ്ങളിലെ വയലുകളില്‍ ഇത്തരം അസുഖം ബാധിച്ചിട്ടുണ്ടെങ്കില്‍ കൃഷി ഓഫിസുമായി ബന്ധപ്പെട്ട് ഇതിനുള്ള മരുന്ന് കൈപ്പറ്റണമെന്നും അധികൃതര്‍ അറിയിച്ചു.