കൊട്ടാരക്കര: ബൈക്കും പെട്ടി ഓട്ടോയും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. കുളക്കട രാജേഷ് ഭവനില്‍ രജീഷ് (34) ആണ് മരിച്ചത്.
കഴിഞ്ഞ ദിവസം രാവിലെ എട്ടിന് കൊട്ടാരക്കര കുന്നക്കര പെട്രോള്‍ പമ്പിനു സമീപത്തായിരുന്നു അപകടം. രാജേഷ് ഓടിച്ചിരുന്ന ബൈക്ക് എതിരെ വന്ന പെട്ടി ഓട്ടോറിക്ഷയുമായി കൂട്ടിയിടിക്കുകയായിരുന്നു. പാസ്റ്ററായിരുന്ന രാജേഷ് പ്രാര്‍ഥനയ്ക്കായി കുളക്കടയില്‍ നിന്നും കൊട്ടാരക്കരയിലേക്ക് വരും വഴിയായിരുന്നു അപകടം.
ഭാര്യ: സൂസമ്മ. മക്കള്‍: എബിന്‍, ആല്‍ബിന്‍. മൃതദേഹം കൊട്ടാരക്കര താലൂക്ക് ആശുപത്രിയില്‍ പോസ്റ്റ് മോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കി.