എരുമേലി : ചരിത്ര പ്രസിദ്ധമായ പേട്ടതുളളലിന് ഐക്യദാര്‍ഡ്യമായി എരുമേലിയില്‍ മുസ്‌ലിം ജമാഅത്ത് നടത്തുന്ന ചന്ദനക്കുടാഘോഷങ്ങള്‍ തദേശ സ്വയംഭരണ,വഖഫ് വകുപ്പ് മന്ത്രി കെ.ടി ജലീല്‍ഉദ്ഘാടനം ചെയ്യും.
പത്തിന് ഉച്ചക്ക് നൈനാര്‍ മസ്ജിദില്‍ നിന്നും മാലിസ ഘോഷയാത്ര പുറപ്പെടും .വൈകിട്ട് അഞ്ചിന് ജമാഅത്ത് ഹാളില്‍ അമ്പലപ്പുഴ പേട്ടതുളളല്‍ സംഘവുമായി സൗഹൃദ സംഗമം .
മാലിസ ഘോഷയാത്ര നാട് ചുറ്റി നേര്‍ചയും സ്വീകരണത്തിനും ശേഷം തിരികെയെത്തി തുടര്‍ന്ന് ആറരയോടെ മസ്ജിദ് അങ്കണത്തില്‍ പൊതുസമ്മേളനം മന്ത്രി കെ.ടി ജലീല്‍ ഉദ്ഘാടനം നിര്‍വഹിച്ചതിനുശേഷം ചന്ദനക്കുട ഘോഷയാത്രക്ക് ഹരിത പതാക വീശി ഫഌഗ് ഓഫ് ചെയ്യും. ആന്റോ ആന്റണി എം.പി , പി സി ജോര്‍ജ് എം.എല്‍.എ ,ദേവസ്വം ബോര്‍ഡ് പ്രസിഡന്റ്റ് പ്രയാര്‍ ഗോപാലകൃഷ്ണന്‍ , ബോര്‍ഡംഗം കെ രാഘവന്‍ , ബി.ജെ.പി അധ്യക്ഷന്‍ കുമ്മനം രാജശേഖരന്‍ ,കലക്ടര്‍ സി.എ ലത , പൊലിസ് ജില്ലാ ചീഫ് എന്‍ രാമചന്ദ്രന്‍ , കേന്ദ്ര വഖഫ് കൗണ്‍സിലംഗം ടി ഒ നൗഷാദ് , ജില്ലാ പഞ്ചായത്ത് പ്രസിഡന്റ്റ് ജോഷി ഫിലിപ്പ് , അസംപ്ഷന്‍ ഫൊറോന പളളി വികാരി ഫാ: സെബാസ്റ്റ്യന്‍ കൊല്ലംകുന്നേല്‍ , ജില്ലാ പഞ്ചായത്തംഗം മാഗി ജോസഫ് , ബ്ലോക്ക് പഞ്ചായത്ത് അധ്യക്ഷ അന്നമ്മ ജോസഫ് ,പഞ്ചായത്ത് പ്രസിഡന്റ്് കൃഷ്ണകുമാര്‍ പങ്കെടുക്കും . അമ്പലപ്പുഴ സൗഹൃദ സംഗമം ദേവസ്വം ബോര്‍ഡംഗം അജയ് തറയില്‍ ഉദ്ഘാടനം ചെയ്യും.പന്തളം കൊട്ടാരം പ്രസിഡന്റ്് ശ്രീമൂലം തിരുനാള്‍ ശശികുമാര്‍ വര്‍മമുഖ്യാതിഥിയായി പങ്കെടുക്കും .
അമ്പലപ്പുഴ സംഘം സമൂഹ പെരിയോന്‍ കളത്തില്‍ ചന്ദ്രശേഖരന്‍ നായര്‍ , ചീരപ്പന്‍ചിറ കളരി സംഘം പ്രസിഡന്റ് മാധവ ബാല സുബ്രഹ്മണ്യം സംസാരിക്കും. ജമാഅത്ത് പ്രസിഡന്റ് പി.എ ഇര്‍ഷാദ് , ഭാരവാഹികളും കമ്മിറ്റിയംഗങ്ങളുമായ സി.യു അബ്ദുല്‍കരീം ,വി.പി അബ്ദുല്‍കരീം, കെ.എ അബ്ദുല്‍സലാം , നൗഷാദ് കുറുങ്കാട്ടില്‍ , അഡ്വ. പി.എച്ച് ഷാജഹാന്‍, നാസര്‍ പനച്ചിയില്‍, നിസാര്‍ പ്ലാമൂട്ടില്‍ , സി.എ.എം കരീം, ഹക്കീം മാടത്താനി, അന്‍സാരി പാടിക്കല്‍, റെഫീഖ്കിഴക്കേപറമ്പില്‍, നൈസാം, റെജി ചക്കാല പരിപാടികള്‍ക്ക് നേതൃത്വംനല്‍കും.