ജിദ്ദ: കോഴിക്കോട് സ്വദേശിയായ ഉംറ തീര്‍ത്ഥാടകന്‍ അബ്ദുല്‍റഹ്മാന്‍ (67) ഒമാനില്‍ അന്തരിച്ചു. മദീനയില്‍ നിന്നും മടങ്ങുകയായിരുന്ന ഇയാള്‍ ഇന്ന് പ്രാദേശിക സമയം പുലര്‍ച്ചെ 12 മണിക്കാണ് മസ്‌കറ്റില്‍ ഇറങ്ങിയത്. ഇയാള്‍ക്ക് കോഴിക്കോട്ടേക്കുള്ള കണക്ഷന്‍ ഫ്‌ളൈറ്റ് പുലര്‍ച്ചെ 2.15നായതിനാല്‍ ഇയാള്‍ മസ്‌കറ്റ് വിമാനത്താവളത്തില്‍ കാത്തിരിക്കുകയായിരുന്നു. ഒരു മണിയോടെ ദേഹാസ്വാസ്ഥ്യം അനുഭവപ്പെടുകയും, മിനിട്ടുകള്‍ക്കുള്ളില്‍ മരണം സംഭവിക്കുകയുമായിരുന്നു. മൃതദേഹം നിയമനടപടികള്‍ക്ക് ശേഷം നാട്ടിലേക്ക് കൊണ്ടുപോകും.