ശ്രീനഗര്‍: ജമ്മുകശ്മീരില്‍ ഭീകരരും സൈന്യവും തമ്മിലുള്ള ഏറ്റുമുട്ടല്‍ വീണ്ടും തുടരുന്നു. ഇന്ന് നടന്ന ഏറ്റുമുട്ടലില്‍ ഒരു ഭീകരനെ സൈന്യം വധിച്ചു. കശ്മീരിലെ ബന്ധിപ്പോര ജില്ലയിലെ പരയ് മൊഹല്ല ഹാജിന്‍ മേഖലയിലാണ് ഏറ്റുമുട്ടല്‍ ഉണ്ടായത്.

ഏറ്റുമുട്ടലില്‍ ഒരു സൈനികനു പരുക്കേറ്റിട്ടുണ്ട്. സൈനിക നീക്കം അവസാനിപ്പിച്ചതായി അധികൃതര്‍ അറിയിച്ചു. ഇന്നലെ കശ്മീരിലെ ജി.ആര്‍.ഇ.എഫ് ക്യാംപിനു നേരെ ഭീകരര്‍ നടത്തിയ വെടിവയ്പ്പില്‍ പ്രദേശവാസികളായ മൂന്നു പേര്‍ കൊല്ലപ്പെട്ടിരുന്നു.