ചെന്നൈ: മെഡിക്കല്‍ പ്രവേശനത്തിനുള്ള പൊതുപരീക്ഷയില്‍ (നീറ്റ്) നിന്നു തമിഴ്‌നാടിനെ സ്ഥിരമായി ഒഴിവാക്കണമെന്നാവശ്യപ്പെട്ട് മുഖ്യമന്ത്രി ജയലളിത പ്രധാനമന്ത്രി നരേന്ദ്രമോദിക്കു കത്തയച്ചു. തമിഴ്‌നാട്ടില്‍ മെഡിക്കല്‍ പ്രവേശനം സുതാര്യമായതിനാല്‍ നീറ്റ് പരീക്ഷ ഒരിക്കലും ബാധകമാക്കരുതെന്നും, നീറ്റ് വിദ്യാര്‍ഥികളോടു കാണിക്കുന്ന നീതി നിഷേധമായിരിക്കുമെന്നും കത്തില്‍ പറയുന്നു.
പരീക്ഷ നടപ്പാക്കുന്നത് സാമ്പത്തികമായി പിന്നോക്കം നില്‍ക്കുന്ന വിദ്യാര്‍ഥികള്‍ക്കു വലിയ തിരിച്ചടിയാകും. നിലവില്‍ തമിഴ്‌നാട്ടില്‍ പ്രവേശന പരീക്ഷ നിര്‍ത്തലാക്കിയത് സംസ്ഥാനത്തെ പാവപ്പെട്ട കുട്ടികള്‍ക്കും മെഡിക്കല്‍ മേഖലയിലേക്ക് വരാനുള്ള അവസരം ഒരുക്കുന്നു. പാവപ്പെട്ട വിദ്യാര്‍ഥികളും സാമ്പത്തികമായി മുന്‍പില്‍ നില്‍ക്കുന്ന വിദ്യാര്‍ഥികളും തമ്മിലുള്ള അന്തരം ഇല്ലാക്കാനും ഈ നടപടി സഹായിക്കുന്നുണ്ട്. സംസ്ഥാനത്തെ സുതാര്യമായ മെഡിക്കല്‍ പ്രവേശനത്തിനു വേണ്ടി 2005 മുതല്‍ വിവിധ നടപടികള്‍ സര്‍ക്കാര്‍ സ്വീകരിച്ച് വരികയാണെന്നും കത്തില്‍ പറയുന്നു. ജയയുടെ ആവശ്യത്തോടു കേന്ദ്രം ഇതുവരെ പ്രതികരിച്ചിട്ടില്ല. ഈ