ഈരാറ്റുപേട്ട: മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂളില്‍ പ്രശസ്ത സാഹിത്യകാരി കമലാ സുരയ്യയുടെ സ്മരണാര്‍ഥം സാഫ് ക്ലബ്ബിന്റെ ആഭിമുഖ്യത്തില്‍ നട്ടുപിടിപ്പിച്ച നീര്‍മാതളം സമൃദ്ധമായി പൂക്കള്‍ കൊണ്ട് നിറഞ്ഞു.
വര്‍ഷങ്ങള്‍ക്ക മുമ്പ് നട്ടുപിടിപ്പിച്ച ചെടിയില്‍ മുമ്പും പൂക്കളുണ്ടായിട്ടുണ്ടങ്കിലും ഇത്തവണ നിറയെ പൂത്തുലഞ്ഞു നില്‍ക്കുകയാണ്. കുളിരുള്ള മരത്തണലില്‍ വിശ്രമിക്കുകയും കുശലം പറഞ്ഞിരിക്കുകയെും ചെയ്യുന്ന കുട്ടി കൂട്ടങ്ങള്‍ ഇവിടുത്തെ സ്ഥിരം കാഴ്ചയാണ്.
ഇളം മനസുകളില്‍ ആനന്ദവും സര്‍ഗാത്മഗതയും നിറക്കാന്‍ മറ്റ് വിദ്യാലയങ്ങളില്‍ ഈ ഹരിതാഭംഗി അനിവാര്യമാണെന്ന് അധികൃതര്‍ പറഞ്ഞു.